• News
  • Films
  • Gulf
  • Sports
  • Crime
  • Video
  • Photos
  • Buzz
  • Life
  • Opinion
  • Money
  • TV Shows
  • Budget 2019
  • Live TV

സ്ത്രീകളുടെ 'കണക്കിൽപെടാത്ത അധ്വാനം' 713 ലക്ഷം കോടി രൂപ

ലോകത്തെ ഏറ്റവും വലിയ കമ്പനിയായ ആപ്പിളിന്റെ വാർഷിക വരുമാനത്തെക്കാൾ 43 മടങ്ങ് കൂടുതൽ തുകയാണിത്

news18india
Updated: January 22, 2019, 1:50 PM IST
സ്ത്രീകളുടെ 'കണക്കിൽപെടാത്ത അധ്വാനം' 713 ലക്ഷം കോടി രൂപ
housewives ( representative images)
news18india
Updated: January 22, 2019, 1:50 PM IST
ലോകത്തെമ്പാടുമുള്ള സ്ത്രീകൾ ഒരു വർഷം 713 ലക്ഷം കോടി രൂപയ്ക്കുള്ള ജോലിയാണ് ചെയ്യുന്നത്. ലോകത്തെ ഏറ്റവും വലിയ കമ്പനിയായ ആപ്പിളിന്റെ വാർഷിക വരുമാനത്തെക്കാൾ 43 മടങ്ങ് കൂടുതൽ തുകയാണിത്. രൂപയുടെ കണക്കുകൾ കേട്ട് ഞെട്ടണ്ട. കാരണം ഈ തുക അവർ ചെയ്യുന്ന കൂലിയില്ലാ ജോലികൾ കണക്കു കൂട്ടിയുള്ളതാണ്. ദാവോസിൽ നടക്കുന്ന ലോക സാമ്പത്തിക ഫോറത്തിൽ ഓക്സ്ഫോം ആണ് സ്ത്രീകളുടെ കണക്കിൽപെടാത്ത അധ്വാനത്തിന്റെ കണക്കുകൾ പുറത്തുവിട്ടത്.‌‌ നഗരപ്രദേശങ്ങളിലെ സ്ത്രീകൾ ദിവസം ദിവസം 5.2 മണിക്കൂറാണ് ഇത്തരം ജോലികൾക്കായി നീക്കി വക്കുന്നത്. ഗ്രാമപ്രദേശങ്ങളിൽ ഇത് 4.85 മണിക്കൂറോളമാണ്.

Also Read-ഇലവീഴാപൂഞ്ചിറ- ഒരു യാത്ര പോയാലോ...

വീട് നോക്കൽ, പാചകം, കുട്ടികളുടെ പരിചരണം തുടങ്ങിയ ജോലികളാണ് സ്ത്രീകളുടെ വേതന രഹിത ജോലിയിൽ ഉൾപ്പെട്ടിരിക്കുന്നത്. ഇന്ത്യയിലെ സ്ത്രീകൾ ഇത്തരത്തിൽ ചെയ്യുന്ന ജോലിയുടെ കണക്കെടുത്ത് വേതനം നൽകുകയാണെങ്കിൽ മൊത്തം ആഭ്യന്തര ഉത്പ്പാദനത്തിന്റെ 3.1ശതമാനം വരുമെന്നാണ് കണക്കാക്കപ്പെടുന്നത്. ഇന്ത്യയിലെ സ്ത്രീകളിൽ സാമ്പത്തിക അസമത്വം വളരെ കൂടുതലാണെന്നും റിപ്പോർട്ടിൽ പറയുന്നു. വേതനമുള്ള ജോലികളിൽ കൂടുതലും പുരുഷൻമാർക്കാണ്. ഇത്തരത്തിൽ വേതനത്തിലുള്ള ലിംഗവിവേചനം സ്ത്രീകളെ ആശ്രയിച്ചു കഴിയുന്ന കുടുംബങ്ങളെയാണ് സാമ്പത്തിക പ്രതിസന്ധിയിലാക്കുന്നത്. ജാതി-വർഗം-പ്രായം എന്നീ ഘടകങ്ങളും സ്ത്രീ പുരുഷ അസമത്വത്തിന് കാരണമായി റിപ്പോർട്ടിൽ ചൂണ്ടിക്കാട്ടുന്നു.
Loading...
തുടർച്ചയായി രണ്ടുദിനം അവധി കിട്ടിയാൽ നിങ്ങൾക്ക് എവിടെയൊക്കെ പോകാം?

സമ്പന്നർക്കിടയിലും സ്ത്രീകളുടെ നിലമെച്ചമല്ലെന്നാണ് റിപ്പോർട്ട് പറയുന്നത്. രാജ്യത്തെ 119 കോടീശ്വരൻമാർക്കിടയിൽ വെറും ഒൻപത് സ്ത്രീകൾ മാത്രമാണുള്ളത്. സ്ത്രീ-പുരുഷ അന്തരത്തിന്റെ കാര്യത്തിൽ ഇന്ത്യ ലോകരാജ്യങ്ങൾക്കിടയിൽ 118-ാം സ്ഥാനത്താണ്. സ്ത്രീ സുരക്ഷ അടക്കമുള്ള കാര്യത്തിൽ ഇന്ത്യയിൽ ഒട്ടേറെ നിയമങ്ങളുണ്ടെങ്കിലും, പുരുഷാധിപത്യമൂല്യത്തിലധിഷ്ഠിതമായ സമൂഹമായതിനാൽ ഇവ പ്രാവർത്തികമാക്കുന്നത് വെല്ലുവിളിയാണെന്നും റിപ്പോർട്ടിൽ വ്യക്തമാക്കുന്നു.

ബീഹാർ, ജാർഖണ്ഡ്, ഛത്തീസ്ഗഡ്, ഉത്തർപ്രദേശ് തുടങ്ങിയ സംസ്ഥാനങ്ങളിൽ നിന്നായി ആയിരത്തോളം വീടുകളിലാണ് ഓക്സ്ഫോം സർവെ നടത്തിയത്.

First published: January 22, 2019
കൂടുതൽ കാണുക
Loading...
അടുത്തത് വാര്‍ത്തകള്‍