'ട്രംപിനൊപ്പം ചേർന്നാൽ മൂന്നാം ലോകമഹായുദ്ധത്തിന് ഞാൻ കൂടി കാരണക്കാരിയാകും'

ശീതളപാനീയ രംഗത്തെ അതികായരാണ് പെപ്സികോ. അമേരിക്കൻ ബഹുരാഷ്ട്ര കുത്തക കമ്പനിയായ പെപ്സികോയുടെ അമരത്ത് കഴിഞ്ഞ 12 വർഷമായി ഒരു ഇന്ത്യക്കാരിയായിരുന്നു, ഇന്ദിരാ നൂയി. ഇക്കഴിഞ്ഞ ഒക്ടോബർ രണ്ടിന് അവർ പെപ്സികോ സിഇഒ സ്ഥാനമൊഴിഞ്ഞു. കഴിഞ്ഞദിവസം ന്യൂയോർക്കിൽവെച്ച് ഏഷ്യാ സൊസൈറ്റി, ഗെയിം ചേഞ്ചർ പുരസ്ക്കാരം നൽകി ഇന്ദിരാ നൂയിയെ ആദരിച്ചു. ഈ ചടങ്ങിൽവെച്ച് അവരോട് സംവദിച്ച പത്രക്കാർ ട്രംപ് ക്യാബിനറ്റിൽ അംഗമാകാനാണോ പെപ്സികോ സിഇഒ സ്ഥാനത്തുനിന്ന് മാറിയതെന്ന് ചോദിച്ചു. ഈ ചോദ്യത്തിന് ഇന്ദിര നൂയി നൽകിയത് രസകരമായ മറുപടിയായിരുന്നു. ട്രംപിനൊപ്പം ചേർന്നാൽ മൂന്നാം ലോക മഹായുദ്ധത്തിന് താൻ കൂടി കാരണക്കാരിയാകുമെന്നായിരുന്നു ഇന്ദിരയുടെ മറുപടി. എന്നെ രാഷ്ട്രീയവുമായി കൂട്ടിക്കുഴയ്ക്കരുതെന്നും അവർ അഭ്യർഥിച്ചു. നയന്ത്രജ്ഞത എന്തെ എനിക്ക് അറിയില്ല. അതുകൊണ്ടുതന്നെ അത്തരമൊരു സ്ഥാനത്തേക്ക് ഇല്ല- ഇന്ദിര നൂയി പറഞ്ഞു.