Hydrogen Powered Cars| ഇനി ഹൈഡ്രജൻ ഇന്ധനമായ കാറുകൾ; കരട് മാനദണ്ഡങ്ങൾ തയാറാക്കി

നിലവിൽ രാജ്യത്ത് ഒരു വാഹന നിർമാതാക്കളും ഹൈഡ്രജൻ ഇന്ധനമായി ഉപയോഗിക്കുന്ന വാഹനം വിൽക്കുന്നില്ല. പുതിയ ഇന്ധനത്തിന്റെ ഉപയോഗം സംബന്ധിച്ച കാര്യങ്ങളിൽ  അന്തിമ തീരുമാനമുണ്ടാകാത്തതാണ് വിൽപന വൈകാൻ കാരണം. രാജ്യത്തെ രണ്ടാമത്തെ ഏറ്റവും വലിയ വാഹന നിർമാതാക്കളായ കൊറിയൻ കമ്പനി, ഹ്യുണ്ടായ് അടുത്ത വർഷം ഹൈഡ്രജൻ ഇന്ധനമായി ഉപയോഗിക്കുന്ന പുതിയ എസ് യു വി നെക്സോ പുറത്തിറക്കുമെന്ന് പ്രഖ്യാപിച്ചു കഴിഞ്ഞു.

നെക്സോ എസ് യു വി നിലവിൽ കൊറിയയിൽ വിൽക്കുന്നുണ്ട്. ഏകദേശം 43.4 ലക്ഷം ഇന്ത്യൻ രൂപയാണ് അവിടത്തെ വില. മെഴ്സിഡസ് ബെൻസ്, ബിഎംഡബ്ല്യു, ഓഡി തുടങ്ങിയ ലക്ഷ്വറി വാഹന നിർമാതാക്കളുടെ ചില ബ്രാൻഡുകൾക്ക് സമാനമായ വിലയ്ക്കാണ് നെക്സോ വിൽക്കുന്നത്. ദൂരയാത്രക്ക് ഉപയോഗിക്കുന്ന വാഹനങ്ങൾക്ക് അനുയോജ്യമായ ഇന്ധനമാണ് ഹൈഡ്രജൻ. ആയിരം കിലോ മീറ്ററാണ് നെക്സോയുടെ ദൂരപരിധി. ഇലക്ട്രിക് വാഹനങ്ങളെ അപേക്ഷിച്ച് കുറച്ചു സമയം മതി ഹൈഡ്രജൻ നിറയ്ക്കാനും.

2018ൽ ഹൈഡ്രജൻ ഫ്യൂവൽ സെൽ വാഹനങ്ങൾക്കുള്ള ജിഎസ്ടി 12 ശതമാനമായി കേന്ദ്ര സർക്കാർ കുറച്ചിരുന്നു. കേന്ദ്ര സർക്കാരിന്റെ അനുമതി ലഭിച്ചാൽ ട്രക്കുകളും ബസുകളും അടക്കമുള്ള വാഹന നിർമാണത്തിലേക്ക് കടക്കുമെന്ന് ഹ്യുണ്ടായ് കമ്പനി അധികൃതർ മണികൺട്രോളിനോട് പറഞ്ഞു. ആദ്യം താൽപര്യം പ്രകടിപ്പിച്ചിരുന്ന ടൊയോട്ട ഇപ്പോൾ ഇലക്ട്രിക് വാഹന നിർമാണത്തിലാണ് ശ്രദ്ധ കേന്ദ്രീകരിക്കുന്നത്. ഫ്യൂവെള്ളം മാത്രമാണ് പുറത്തുവിടുന്നത് എന്നതിനാൽ വൽ സെൽ കാറുകളാണ് പരിസ്ഥിതിക്ക് ഏറ്റവും ഇണങ്ങിയതെന്നാണ് കണ്ടെത്തൽ.