• HOME
  • »
  • NEWS
  • »
  • money
  • »
  • JAN DHAN ACCOUNT HOLDERS LINK IT WITH AADHAAR CARDS TO GET BENEFITS OF OVER RS ONE LAKH GH

ജൻധൻ അക്കൗണ്ട് ഉടമകൾക്ക് ഒരു ലക്ഷത്തിലധികം രൂപയുടെ ആനുകൂല്യങ്ങൾ; അക്കൗണ്ട് ആധാർ കാർഡുമായി ബന്ധിപ്പിച്ചോ?

ഓവർ ഡ്രാഫ്റ്റുകൾ, റുപേ ഡെബിറ്റ് കാർഡുകൾ തുടങ്ങിയ പ്രത്യേക സൗകര്യങ്ങളും ജൻധൻ അക്കൗണ്ട് ഉടമകൾക്ക് ലഭിക്കും. കഴിഞ്ഞ വർഷം കോവിഡ് പ്രതിസന്ധി ഘട്ടത്തിൽ സർക്കാരിൽ നിന്ന് സാമ്പത്തിക സഹായവും ഈ അക്കൗണ്ട് വഴി ലഭിച്ചിരുന്നു.

പ്രതീകാത്മക ചിത്രം

പ്രതീകാത്മക ചിത്രം

  • Share this:
    സാധാരണക്കാരെ സാമ്പത്തികമായി സഹായിക്കുന്നതിനായി കേന്ദ്രസർക്കാർ നിരവധി പദ്ധതികൾ അവതരിപ്പിച്ചിട്ടുണ്ട്. നരേന്ദ്ര മോദി സർക്കാരിന്റെ ആദ്യ ഭരണ കാലയളവിൽ ആരംഭിച്ച പ്രധാൻമന്ത്രി ജൻധൻ യോജന (പിഎംജെഡിവൈ - PMJDY) അത്തരത്തിലുള്ള ഒരു വലിയ സാമ്പത്തിക പദ്ധതിയാണ്.

    ഇത് ഓരോ പൗരനും സേവിംഗ്സ് അക്കൗണ്ടുകൾ, ഡിപ്പോസിറ്റ്, പണമയയ്ക്കൽ, വായ്പകൾ, ഇൻഷുറൻസ്, പെൻഷനുകൾ എന്നിവ ഉറപ്പാക്കുന്ന പദ്ധതിയാണ്. ഈ സ്കീമിന് കീഴിൽ, സാമ്പത്തികമായി പിന്നാക്കം നിൽക്കുന്നവർക്ക് ഏത് ബാങ്ക് ശാഖയിലും സീറോ ബാലൻസ് സേവിംഗ്സ് അക്കൗണ്ട് തുറക്കാൻ കഴിയും.

    Kerala Budget 2021 | റേഷൻ റോഷനായി; അതിവേഗം ബജറ്റ് അവതരിപ്പിച്ച് ധനമന്ത്രി; ബാലഗോപാലിന്റെ കന്നിബജറ്റ് ഒരു മണിക്കൂറിൽ

    ഓവർ ഡ്രാഫ്റ്റുകൾ, റുപേ ഡെബിറ്റ് കാർഡുകൾ തുടങ്ങിയ പ്രത്യേക സൗകര്യങ്ങളും ജൻധൻ അക്കൗണ്ട് ഉടമകൾക്ക് ലഭിക്കും. കഴിഞ്ഞ വർഷം കോവിഡ് പ്രതിസന്ധി ഘട്ടത്തിൽ സർക്കാരിൽ നിന്ന് സാമ്പത്തിക സഹായവും ഈ അക്കൗണ്ട് വഴി ലഭിച്ചിരുന്നു.

    ഇപ്പോൾ 1.3 ലക്ഷം രൂപ കേന്ദ്രസർക്കാർ അക്കൗണ്ട് ഉടമകൾക്ക് നൽകുന്നുണ്ട്. അതായത് ഒരു ലക്ഷം രൂപ അപകട ഇൻഷുറൻസും 30,000 രൂപ ജനറൽ ഇൻഷുറൻസും ആനുകൂല്യങ്ങളിൽ ഉൾപ്പെടുന്നു. അക്കൗണ്ട് ഉടമയ്ക്ക് ഒരു അപകടമുണ്ടായാൽ ഈ ആനുകൂല്യം ലഭിക്കും. എന്നാൽ അക്കൗണ്ട് ഉടമ അവരുടെ അക്കൗണ്ട് ആധാർ നമ്പറുമായി ലിങ്കു ചെയ്യേണ്ടതുണ്ട്. അതിനാൽ, 1.3 ലക്ഷം രൂപയുടെ ആനുകൂല്യങ്ങൾ നഷ്ടപ്പെടുത്താൻ നിങ്ങൾ ആഗ്രഹിക്കുന്നില്ലെങ്കിൽ, നിങ്ങളുടെ ആധാർ നമ്പറുമായി നിങ്ങളുടെ ജൻധൻ അക്കൗണ്ട് ഉടൻ തന്നെ ബന്ധിപ്പിക്കുക.

    Kerala Budget 2021 | 100 കോടി രൂപയായി കുടുംബശ്രീ ഗ്രാൻഡ്; വിദ്യാർത്ഥികളുടെ മാനസികാരോഗ്യത്തിന് പ്രത്യേക പദ്ധതി

    ജൻധൻ അക്കൗണ്ട് എങ്ങനെ തുറക്കാം?

    മിക്ക ജൻധൻ അക്കൗണ്ടുകളും പൊതുമേഖലാ ബാങ്കുകളിലാണ് തുറക്കുന്നത്. എന്നിരുന്നാലും, നിങ്ങൾ ആഗ്രഹിക്കുന്നുവെങ്കിൽ, നിങ്ങൾക്ക് ഒരു സ്വകാര്യ ബാങ്കിലും അക്കൗണ്ട് തുറക്കാൻ കഴിയും. നിങ്ങൾക്ക് ഇതിനകം ഒരു സേവിംഗ്സ് അക്കൗണ്ട് ഉണ്ടെങ്കിൽ, നിങ്ങൾക്ക് അത് ഒരു ജൻധൻ അക്കൗണ്ടിലേക്ക് മാറ്റാൻ കഴിയും. 10 വയസ്സിന് മുകളിലുള്ള ഇന്ത്യയിൽ താമസിക്കുന്ന ഏതൊരു പൗരനും ജൻധൻ അക്കൗണ്ട് തുറക്കാൻ കഴിയും. ആധാർ കാർഡുകൾ, പാൻ കാർഡ്, ഡ്രൈവിംഗ് ലൈസൻസ്, വോട്ടർ ഐഡി കാർഡ്, പാസ്‌പോർട്ട്, എം‌ജി‌എൻ‌ആർ‌ജി‌എ തൊഴിൽ കാർഡ് എന്നിവ ഉപയോഗിച്ച് അക്കൗണ്ട് തുറക്കാൻ കഴിയും. കെ‌വൈ‌സിക്ക് കീഴിൽ ഈ രേഖകൾ പരിശോധിക്കേണ്ടതുണ്ട്.

    ആധാറുമായി അക്കൗണ്ട് എങ്ങനെ ലിങ്ക് ചെയ്യാം?

    പല ബാങ്കുകളും ഇപ്പോൾ മെസേജുകളിലൂടെ ആധാർ നമ്പറുമായി അക്കൗണ്ട് ലിങ്ക് ചെയ്യാൻ അനുവദിക്കുന്നുണ്ട്. നിങ്ങളുടെ ബാങ്ക് ഈ സൗകര്യം നൽകുന്നില്ലെങ്കിൽ, നിങ്ങളുടെ ആധാർ കാർഡിന്റെയും പാസ്ബുക്കിന്റെയും ഫോട്ടോകോപ്പിയുമായി ബാങ്ക് ശാഖയിലെത്തേണ്ടി വരും. സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) ഉപഭോക്താക്കൾക്ക് രജിസ്റ്റർ ചെയ്ത മൊബൈൽ നമ്പറിൽ നിന്ന് യുഐഡി അയച്ചുകൊണ്ട് അവരുടെ അക്കൗണ്ട് ആധാറുമായി ലിങ്ക് ചെയ്യാൻ കഴിയും.

    Keywords: Jan Dhan Account, Aadhaar Card, Narendra Modi, PMJDY, Pradhan Mantri Jan Dhan Yojana, ജൻ ധൻ അക്കൌണ്ട്, ആധാർ കാർഡ്, നരേന്ദ്ര മോദി, പിഎംജെഡിവൈ, പ്രധാന മന്ത്രി ജൻ ധൻ യോജന
    Published by:Joys Joy
    First published:
    )}