20 കോടി നേടുന്ന ഭാഗ്യശാലിയെ അറിയാൻ മണിക്കൂറുകൾ മാത്രം; ക്രിസ്മസ്-പുതുവത്സര ബംമ്പര്‍ നറുക്കെടുപ്പ് ബുധനാഴ്ച

സംസ്ഥാന സർക്കാരിന്റെ ക്രിസ്തുമസ് പുതുവത്സര ബംമ്പര്‍ ഭാഗ്യക്കുറി നറുക്കെടുപ്പ് നാളെ. ഉച്ചതിരിഞ്ഞ് രണ്ടുമണിക്കാണ് നറുക്കെടുപ്പ്. 20 കോടി രൂപയാണ് ഒന്നാം സമ്മാനം. രണ്ടാം സമ്മാനം ഒരോ കോടി വീതം 20 പേര്‍ക്ക്. നറുക്കെടുപ്പിന് മണിക്കൂറുകൾ മാത്രം ബാക്കി നിൽക്കെ വില്പന കേന്ദ്രങ്ങളിൽ എല്ലാം ബമ്പർ ടിക്കറ്റ് വിൽപ്പന തകൃതിയായി നടക്കുന്നു. ആകെ 50 ലക്ഷം ടിക്കറ്റുകൾ വില്പനയ്ക്ക് എത്തിയതിൽ ഇന്നലെ വൈകിട്ട് വരെ 45 ലക്ഷം ടിക്കറ്റുകൾ വിറ്റുപോയിട്ടുണ്ട്. വൈകി വിപണയിലെത്തിയെങ്കിലും റോക്കറ്റ് കണക്കാണ് ക്രിസ്മസ്-പുതുവത്സര ബംമ്പര്‍ ടിക്കറ്റുകൾ വിറ്റുപോകുന്നത്.