Mukesh Ambani | മുകേഷ് അംബാനി ലോകത്തെ ഏറ്റവും വലിയ നാലാമത്തെ ധനികൻ; മറികടന്നത് ബെർണാഡ് അർനോൾട്ടിനെ
- Published by:Anuraj GR
- news18-malayalam
Last Updated:
സിലിക്കൺ വാലിയിലെ വമ്പൻമാരായ എലോൺ മസ്‌ക്, ആൽ‌ഫബെറ്റ് ഇൻ‌കോർ‌ട്ട് സഹസ്ഥാപകരായ സെർ‌ജി ബ്രിൻ, ലാറി പേജ്, വാറൻ ബഫെറ്റ് എന്നിവരുൾ‌പ്പെടെയുള്ളവരെ മുകേഷ് അംബാനി നേരത്തെ മറികടന്നിരുന്നു
ബ്ലുംബർഗിന്‍റെ ശതകോടീശ്വരുടെ പട്ടികയിൽ റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി നാലാമതെത്തി. എൽ‌വി‌എം‌എച്ച് ചെയർമാനും സിഇഒയുമായ ബെർണാഡ് അർനോൾട്ടിനെ മറികടന്നാണ് ലോകത്തെ ഏറ്റവും സമ്പന്നനായ നാലാമത്തെ വ്യക്തിയായി മുകേഷ് അംബാനി മാറിയത്. വിവിധ നിക്ഷേപങ്ങളിലൂടെ ഈ വർഷം 22 ബില്യൺ ഡോളർ സ്വരൂപിച്ചതോടെ മുകേഷ് അംബാനിയുടെ ആസ്തി ഇപ്പോൾ 80.6 ബില്യൺ ഡോളർ (6.04 ലക്ഷം കോടി രൂപ) ആയി.
അർനോൾട്ടിന്റെ ആസ്തി 1.24 ബില്യൺ ഡോളർ കുറഞ്ഞ് 80.2 ബില്യൺ ഡോളറായി (60.01 ലക്ഷം കോടി രൂപ) അഞ്ചാം സ്ഥാനത്തെത്തി.
സിലിക്കൺ വാലിയിലെ വമ്പൻമാരായ എലോൺ മസ്‌ക്, ആൽ‌ഫബെറ്റ് ഇൻ‌കോർ‌ട്ട് സഹസ്ഥാപകരായ സെർ‌ജി ബ്രിൻ, ലാറി പേജ്, വാറൻ ബഫെറ്റ് എന്നിവരുൾ‌പ്പെടെയുള്ളവരെ മുകേഷ് അംബാനി നേരത്തെ മറികടന്നിരുന്നു. ബ്ലൂംബെർഗ് സൂചികയിലെ ഏറ്റവും മികച്ച 10 സമ്പന്നരിൽ എട്ട് പേർ അമേരിക്കക്കാരാണ്. അംബാനി പട്ടികയിലെ ഏറ്റവും ധനികനായ ഇന്ത്യക്കാരൻ മാത്രമല്ല, ഏഷ്യാക്കാരൻ കൂടിയാണ്.
advertisement
ഫേസ്ബുക്ക് സ്ഥാപകൻ മാർക്ക് സക്കർബർഗ് നിലവിൽ പട്ടികയിൽ മൂന്നാം സ്ഥാനത്താണ്. അദ്ദേഹത്തിന്റെ സമ്പത്ത് ആദ്യമായി 100 ബില്യൺ ഡോളർ കടന്നതിനാൽ ജെഫ് ബെസോസിനും ബിൽ ഗേറ്റ്സിനും ശേഷം ശതകോടീശ്വരനാകുന്ന ലോകത്തിലെ മൂന്നാമത്തെ വ്യക്തിയായി അദ്ദേഹം മാറി.
2020 ന്റെ തുടക്കം മുതൽ 22.1 ബില്യൺ ഡോളർ തന്റെ ആസ്തിയിൽ ചേർത്ത സക്കർബർഗിന്റെ മൂല്യം ഇപ്പോൾ 102 ബില്യൺ ഡോളറാണ്.
You may also like:പലചരക്ക്, പച്ചക്കറി കടകളിലെ ജീവനക്കാരെ കോവിഡ് പരിശോധനയ്ക്ക് വിധേയമാക്കാൻ കേന്ദ്ര നിർദ്ദേശം [NEWS]'സഹായിക്കാന്‍ അവൻ മുന്നിലുണ്ടാകും'; ക്യാപ്റ്റന്‍ ദീപക് സാഥെയെ കുറിച്ച്‌ മാതാപിതാക്കള്‍ [NEWS] Top 10 Most Dangerous Airport Runways | ലോകത്തെ ഏറ്റവും അപകടകരമായ 10 വിമാനത്താവളങ്ങളിലെ റൺവേകൾ [PHOTOS]
ബ്ലൂംബെർഗ് ശതകോടീശ്വരൻമാരുടെ പട്ടികയിൽ റിലയൻസ് ചെയർമാൻ മുകേഷ് അംബാനി 10 സ്ഥാനം വരെ ഉയർന്നിരുന്നു. റിലയൻസ് ഓഹരി മൂല്യം 867.82ൽനിന്ന് 145 ശതമാനം ഉയർന്നതോടെയാണിത്. റിലയൻസ് ഉടമസ്ഥതയിലുള്ള ജിയോയിൽ ഫെയ്‌സ്ബുക്ക് ഇങ്ക്, സിൽവർ ലേക്ക് എന്നിവയുൾപ്പെടെയുള്ള കമ്പനികളിൽ നിന്ന് 15 ബില്യൺ ഡോളറിലധികം നിക്ഷേപം വന്നതോടെയാണ് മുകേഷ് അംബാനയിയുടെ ആസ്തി വൻതോതിൽ ഉയർന്നത്.
advertisement
Disclaimer: Reliance Industries Ltd. is the sole beneficiary of Independent Media Trust which controls Network18 Media & Investments Ltd which publishes Moneycontrol.
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
August 08, 2020 9:01 PM IST
മലയാളം വാർത്തകൾ/ വാർത്ത/Money/
Mukesh Ambani | മുകേഷ് അംബാനി ലോകത്തെ ഏറ്റവും വലിയ നാലാമത്തെ ധനികൻ; മറികടന്നത് ബെർണാഡ് അർനോൾട്ടിനെ
