• HOME
  • »
  • NEWS
  • »
  • money
  • »
  • Jio 5G| നൂതനമായ 5G നെറ്റ്‌വർക്ക് അവതരിപ്പിക്കാൻ ജിയോ; ലേലത്തിൽ കമ്പനി സ്വന്തമാക്കിയ സ്പെക്ട്രത്തിന്റെ വിവരങ്ങൾ അറിയാം

Jio 5G| നൂതനമായ 5G നെറ്റ്‌വർക്ക് അവതരിപ്പിക്കാൻ ജിയോ; ലേലത്തിൽ കമ്പനി സ്വന്തമാക്കിയ സ്പെക്ട്രത്തിന്റെ വിവരങ്ങൾ അറിയാം

20 വർഷത്തേക്ക് സ്പെക്‌ട്രം ഉപയോഗിക്കാനുള്ള അവകാശം നേടിയെടുക്കാനുള്ള ആകെ ചെലവ് 88,078 കോടി രൂപയാണ്

  • Last Updated :
  • Share this:
    ഡിജിറ്റൽ കണക്റ്റിവിറ്റിയിലും ഡിജിറ്റൽ സൊല്യൂഷനുകളിലും ഇന്ത്യയെ ആഗോള നേതാവാക്കി, ലോകത്തിലെ ഏറ്റവും നൂതനമായ 5G നെറ്റ്‌വർക്ക് ഇന്ത്യയിലുടനീളം പുറത്തിറക്കാൻ ജിയോ ഒരുങ്ങുകയാണ്. 700MHz, 800MHz, 1800MHz, 3300MHz, 26GHz ബാൻഡുകളിൽ സ്പെക്‌ട്രം ഉപയോഗിക്കാനുള്ള അവകാശം ജിയോ സ്വന്തമാക്കി. വ്യത്യസ്ത ഫ്രീക്വൻസി ബാൻഡുകൾ ഉപയോഗിച്ച് 5G നെറ്റ്‌വർക്ക് സേവനങ്ങൾ ആരംഭിക്കുന്നതിനായി ഇന്ത്യയിൽ 5G സ്പെക്ട്രം ഏറ്റെടുത്തതായി റിലയൻസ് ജിയോ സ്ഥിരീകരിച്ചു. 20 വർഷത്തേക്ക് സ്പെക്‌ട്രം ഉപയോഗിക്കാനുള്ള അവകാശം നേടിയെടുക്കാനുള്ള ആകെ ചെലവ് 88,078 കോടി രൂപയാണ്.

    ''സമാനതകളില്ലാത്ത 700 മെഗാഹെർട്‌സ് സ്പെക്‌ട്രം ഫൂട്ട്‌പ്രിന്റ് ഉപയോഗിച്ച്, കുറഞ്ഞ ലേറ്റൻസിയും വലിയ കണക്റ്റിവിറ്റിയും ഉള്ള പാൻ-ഇന്ത്യ യഥാർത്ഥ 5 ജി സേവനങ്ങൾ നൽകുന്ന ഏക ഓപ്പറേറ്റർ ജിയോയായിരിക്കും,” ജിയോ പ്രസ്താവനയിൽ അവകാശപ്പെട്ടു.

    40 റൗണ്ടിനൊടുവിൽ വിവിധ ടെലികോം കമ്പനികൾ പങ്കെടുത്ത 5G സ്പെക്ട്രം ലേലം തിങ്കളാഴ്ച അവസാനിച്ചു. ഔദ്യോഗികമായി പ്രവർത്തനം ആരംഭിച്ച് ആറ് വർഷത്തിനുള്ളിൽ 400 ദശലക്ഷത്തിലധികം ഉപയോക്താക്കൾക്ക് 4G സേവനങ്ങൾ നൽകാൻ ജിയോക്ക് കഴിഞ്ഞു. ഇപ്പോൾ, ടെലികോം കമ്പനി അതിന്റെ 5G സേവനങ്ങളിലൂടെ പുതിയ ചുവടുവയ്പ്പിന് ഒരുങ്ങുകയാണ്. നിലവിലുള്ള നെറ്റ്‌വർക്കും ഫൈബർ നെറ്റ്‌വർക്ക് ഇക്കോസിസ്റ്റവും ചുരുങ്ങിയ സമയത്തിനുള്ളിൽ രാജ്യത്ത് 5G സേവനങ്ങൾ നൽകുന്നത് ഉറപ്പാക്കുമെന്ന് ജിയോ പറയുന്നു.

    “ജിയോയുടെ 5G സൊല്യൂഷൻ ഇന്ത്യക്കാരാൽ, ഓരോ ഇന്ത്യക്കാരന്റെയും ആവശ്യത്തിന് അനുയോജ്യമായ രീതിയിൽ ഇന്ത്യയിൽ തന്നെ നിർമിച്ചതാണ്. രാജ്യത്തൊട്ടാകെയുള്ള ഫൈബർ സാന്നിധ്യം, ഓൾ-ഐപി നെറ്റ്‌വർക്ക്, തദ്ദേശീയമായ 5G സ്റ്റാക്ക്, ടെക്‌നോളജി ഇക്കോസിസ്റ്റത്തിലുടനീളമുള്ള ശക്തമായ ആഗോള പങ്കാളിത്തം എന്നിവ കാരണം ചുരുങ്ങിയ സമയത്തിനുള്ളിൽ 5G അവതരിപ്പിക്കാൻ ജിയോ പൂർണ്ണമായും തയ്യാറാണ്,” കമ്പനി പ്രസ്താവനയിൽ എടുത്തുപറഞ്ഞു.

    റിലയൻസ് ജിയോ സ്വന്തമാക്കിയ സ്പെക്‌ട്രത്തിന്റെ വിവരം  ഇങ്ങനെ (സർക്കിള്‍ തിരിച്ച്) -



    ''നൂതന സാങ്കേതിക വിദ്യകളുടെ ശക്തി പ്രയോജനപ്പെടുത്തി ലോകത്തെ മുൻനിര സാമ്പത്തിക ശക്തിയായി ഇന്ത്യ ഉയർന്നുവരുമെന്ന് ഞങ്ങൾ എപ്പോഴും വിശ്വസിക്കുന്നു. ജിയോ ജനിച്ചത് ഈ കാഴ്ചപ്പാടോടെയും വിശ്വാസത്തോടെയുമാണ്. ജിയോ 4G റോൾഔട്ടിന്റെ വേഗതയും വ്യാപ്തിയും സാമൂഹിക സ്വാധീനവും ലോകത്ത് മറ്റെവിടെയും സമാനതകളില്ലാത്തതാണ്. ഇപ്പോൾ, ഒരു വലിയ അഭിലാഷത്തോടെ, ശക്തമായ ഇച്ഛാശക്തിയോടെ, ജിയോ ഇന്ത്യയെ 5G യുഗത്തിലേക്ക് നയിക്കാൻ തയ്യാറാണ്. പാൻ ഇന്ത്യ 5G റോളൗട്ടിനൊപ്പം ഞങ്ങൾ 'ആസാദി കാ അമൃത് മഹോത്സവ്' ആഘോഷിക്കും. ലോകോത്തരമായിരിക്കുമ്പോൾ തന്നെ താങ്ങാനാവുന്ന 5G നെറ്റ്‌വർക്ക് സേവനങ്ങൾ നൽകാൻ ജിയോ പ്രതിജ്ഞാബദ്ധമാണ്. ഇന്ത്യയുടെ ഡിജിറ്റൽ വിപ്ലവത്തെ ത്വരിതപ്പെടുത്തുന്ന സേവനങ്ങളും പ്ലാറ്റ്‌ഫോമുകളും പരിഹാരങ്ങളും ഞങ്ങൾ നൽകുന്നു, പ്രത്യേകിച്ച് വിദ്യാഭ്യാസം, ആരോഗ്യം, കൃഷി, ഉൽപ്പാദനം, ഇ-ഗവേണൻസ് തുടങ്ങിയ പ്രധാന മേഖലകളിൽ. പ്രധാനമന്ത്രിയുടെ ഡിജിറ്റൽ ഇന്ത്യ ദൗത്യത്തിന് അഭിമാനകരമായ മറ്റൊരു സംഭാവനയാകും ഇത്.''
    - റിലയൻസ് ജിയോ ഇൻഫോകോം ചെയർമാൻ ആകാശ് എം അംബാനി


    20 വർഷത്തേക്ക് 5G ടെക്‌നോളജി സ്‌പെക്‌ട്രം ഉപയോഗിക്കാനുള്ള അവകാശം ജിയോയ്‌ക്ക് നേടാനുള്ള മൊത്തം ചെലവ് 88,078 കോടി രൂപയാണ്. സ്‌പെക്‌ട്രം ലേല നിയമങ്ങൾ അനുസരിച്ച്, സ്‌പെക്‌ട്രം പേയ്‌മെന്റുകൾ പ്രതിവർഷം 7.2 ശതമാനമാണ്. 20 വർഷം തവണകളായി അടയ്ക്കണം. വാർഷിക പേയ്‌മെന്റ് വിശദാംശങ്ങൾ ഇവിടെ കാണാം.



    1. ലോ-ബാൻഡ്, മിഡ്-ബാൻഡ്, എംഎംവേവ് സ്പെക്ട്രം എന്നിവയുടെ സവിശേഷമായ സംയോജനമാണ് ജിയോ സ്വന്തമാക്കിയത്. ഡീപ് ഫൈബർ നെറ്റ്‌വർക്ക്, തദ്ദേശീയ ടെക്‌നോളജി പ്ലാറ്റ്‌ഫോമുകൾ എന്നിവയ്‌ക്കൊപ്പം എല്ലായിടത്തും 5G, എല്ലാവർക്കും (ഉപഭോക്താക്കൾ, സംരംഭങ്ങൾ) 5G വിതരണം ചെയ്യാൻ ഇത് പ്രാപ്‌തമാക്കുമെന്ന് ജിയോ പറയുന്നു.

    2. സമാനതകളില്ലാത്ത 700 മെഗാഹെർട്‌സ് സ്പെക്‌ട്രം ഫൂട്ട്‌പ്രിന്റ് ഉപയോഗിച്ച്, ഉയർന്ന വേഗതയും കുറഞ്ഞ ലേറ്റൻസിയും വലിയ കണക്റ്റിവിറ്റിയും ഉള്ള പാൻ-ഇന്ത്യ ട്രൂ 5G സേവനങ്ങൾ വാഗ്ദാനം ചെയ്യുന്ന ഒരേയൊരു ഓപ്പറേറ്റർ ജിയോ ആയിരിക്കും.

    3. ഇതിലൂടെ, ജിയോയുടെ മൊത്തം ഉടമസ്ഥതയിലുള്ള സ്പെക്‌ട്രം ഫുട്പ്രിന്റുകൾ 26,772 മെഗാഹെർട്‌സായി വർദ്ധിച്ചു. ഇത് ഇന്ത്യയിലെ ഏറ്റവും ഉയർന്നതാണ്.

    എ. സബ്-ജിഗാഹെർട്‌സ്: 22 സർക്കിളുകളിലായി 700 മെഗാഹെർട്‌സ്, 800 മെഗാഹെർട്‌സ് ബാൻഡുകളിൽ ഓരോന്നിലും കുറഞ്ഞത് 2X10 മെഗാഹെർട്‌സ് അനുബന്ധ സ്പെക്‌ട്രമുള്ള സബ്-ജിഗാഹെർട്‌സിന്റെ ഏറ്റവും വലിയ സ്പെക്‌ട്രമാണ് ജിയോയ്ക്കുള്ളത്.

    ബി. മിഡ്-ബാൻഡ്: 1800 MHz ബാൻഡിൽ കുറഞ്ഞത് 2X10 MHz (ആറ് പ്രധാന സർക്കിളുകളിൽ 2X20 MHz), 2300 MHz ബാൻഡിൽ 40 MHz, എല്ലാ 22 സർക്കിളുകളിലും 3300 MHz ബാൻഡിൽ 100 ​​MHz എന്നിവയുള്ള ഒരേയൊരു ഓപ്പറേറ്റർ ജിയോയാണ്.

    സി. mmWave: 22 സർക്കിളുകളിലായി ഓരോ മില്ലിമീറ്റർ വേവ് ബാൻഡിലും (26 GHz) 1,000 MHz ഉപയോഗിക്കാനുള്ള അവകാശവും ജിയോയ്ക്കുണ്ട്. എന്റർപ്രൈസ് ഉപയോഗം പ്രവർത്തനക്ഷമമാക്കുന്നതിനും ഉയർന്ന നിലവാരമുള്ള സ്ട്രീമിംഗ് സേവനങ്ങൾ നൽകുന്നതിനും ഇത് നിർണായകമാണ്.

    Published by:Rajesh V
    First published: