അയോധ്യ ശ്രീരാമക്ഷേത്രം: ഏറ്റവുമധികം സംഭാവന നൽകിയത് ആത്മീയ നേതാവ്; ആകെ ലഭിച്ചത് 5,500 കോടിയോളം

അയോധ്യയിലെ രാമക്ഷേത്ര നിർമ്മാണത്തോടനുബന്ധിച്ച് ക്ഷേത്ര ട്രസ്റ്റിലേക്ക് ഇതുവരെ ലഭിച്ചത് 5,500 കോടി രൂപയുടെ സംഭാവനകൾ എന്ന് റിപ്പോർട്ട്. ക്ഷേത്രത്തിലേക്ക് ഇതുവരെ ലഭിച്ച സംഭവനകളിൽ ഏറ്റവും കൂടുതൽ തുക സംഭാവന നൽകിയത് പ്രശസ്ത ആത്മീയ ഗുരുവായ മൊരാരി ബാപ്പുവാണ്. അദ്ദേഹം ഏകദേശം 11.3 കോടി രൂപയാണ് ശ്രീ രാമ ജന്മഭൂമി തീർത്ഥ ക്ഷേത്ര ട്രസ്റ്റിലേക്ക് കൈമാറിയത്. ഇതു കൂടാതെ അമേരിക്ക, കാനഡ, ബ്രിട്ടൻ എന്നീ വിദേശ രാജ്യങ്ങളിൽ നിന്നും അദ്ദേഹത്തിന്റെ അനുയായികൾ ആകെ 8 കോടി രൂപയും ഇതുവരെ സംഭാവന നൽകി.