ഒടുവിൽ കോഹ്ലിയും വീണൂ; ദക്ഷിണാഫ്രിക്കക്കെതിരായ സെഞ്ചൂറിയന് ക്രിക്കറ്റ് ടെസ്റ്റില് ഇന്ത്യക്ക് തോല്വി
- Published by:Vishnupriya S
- news18-malayalam
Last Updated:
ഇന്നിങ്സിനും 32 റണ്സിനുമാണ് ഇന്ത്യയുടെ തോല്വി
സെഞ്ചൂറിയൻ: ദക്ഷിണാഫ്രിക്കയ്ക്കെതിരായ ബോക്സിങ് ഡേ ടെസ്റ്റിൽ ഇന്ത്യക്ക് തോല്വി. ഇന്നിങ്സിനും 32 റണ്സിനുമാണ് ഇന്ത്യയുടെ തോല്വി. 163 റണ്സ് ലീഡ് വഴങ്ങി രണ്ടാം ഇന്നിങ്സ് ബാറ്റിങ് തുടങ്ങിയ ഇന്ത്യക്ക് നേടാനായത് വെറും 131 റണ്സ് മാത്രം. ഒന്നാം ഇന്നിങ്സില് ദക്ഷിണാഫ്രിക്ക 408 റണ്സിനു പുറത്തായി. ഇന്ത്യയുടെ ഒന്നാം ഇന്നിങ്സ് 245ല് അവസാനിപ്പിച്ചാണ് അവര് ഒന്നാം ഇന്നിങ്സ് തുടങ്ങിയത്.
76 റണ്സെടുത്ത വിരാട് കോലി മാത്രമെ ഇന്ത്യക്കായി രണ്ടാം ഇന്നിംഗ്സില് പൊരുതിയുള്ളു. 82 പന്തില് 76 റണ്സെടുത്ത കോഹ്ലി 12 ഫോറുകളും ഒരു സിക്സും നേടി. വെറും മൂന്ന് ദിവസം കൊണ്ടു ഇന്ത്യ ഇന്നിങ്സ് തോല്വിയുടെ വലിയ നാണക്കേടാണ് നേരിട്ടത്. പത്താം വിക്കറ്റായി മടങ്ങിയത് കോഹ്ലി തന്നെ. കോഹ്ലിക്ക് പുറമെ 26 റണ്സെടുത്ത ശുഭ്മാന് ഗില് മാത്രമാണ് പിടിച്ചു നിന്നത്. മറ്റൊരാളും രണ്ടക്കം കടന്നില്ല.
രോഹിത് ശര്മ (0), യശസ്വി ജയ്സ്വാള് (5), ശ്രേയസ് അയ്യര് (6), കെഎല് രാഹുല് (4), ആര് അശ്വിന് (0), ശാര്ദുല് ഠാക്കൂര് (2), ജസ്പ്രിത് ബുമ്ര (0) എന്നിവരെല്ലാം അതിവേഗം തന്നെ മടങ്ങി.
advertisement
നേരത്തെ 256-5 എന്ന നിലയില് മൂന്നാം ദിനം ക്രീസിലിറങ്ങിയ ദക്ഷിണാഫ്രിക്ക ലഞ്ചിന് ശേഷം 408 റണ്സിന് ഓള് ഔട്ടായി. 185 റണ്സെടുത്ത ഡീന് എല്ഗാറും 19 റണ്സെടുത്ത ജെറാള്ഡ് കോട്സിയും ലഞ്ചിന് മുമ്പെ വീണെങ്കിലും അര്ധസെഞ്ചുറിയുമായി പിടിച്ചു നിന്ന മാര്ക്കോ യാന്സനാണ്(84) ദക്ഷിണാഫ്രിക്കക്ക് 163 റണ്സ് ലീഡ് സമ്മാനിച്ചത്.
ഏഴ് വിക്കറ്റ് നഷ്ടത്തില് 392 റണ്സെന്ന നിലയില് ലഞ്ചിന് പിരിഞ്ഞ ദക്ഷിണാഫ്രിക്കയുടെ അവസാന രണ്ട് വിക്കറ്റുകള് എറിഞ്ഞിട്ട ജസ്പ്രീത് ബുമ്രയാണ് ദക്ഷിണാഫ്രിക്കന് ഇന്നിംഗ്സ് അവസാനിപ്പിച്ചത്. പരിക്കേറ്റ് മടങ്ങിയ ക്യാപ്റ്റന് ടെംബാ ബാവുമ ദക്ഷിണാഫ്രിക്കക്കായി ബാറ്റിംഗിനിറങ്ങിയല്ല. ഇന്ത്യക്കായി ബുമ്ര നാലു വിക്കറ്റെടുത്തു.
ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,Delhi
First Published :
December 28, 2023 10:20 PM IST
മലയാളം വാർത്തകൾ/ വാർത്ത/Sports/
ഒടുവിൽ കോഹ്ലിയും വീണൂ; ദക്ഷിണാഫ്രിക്കക്കെതിരായ സെഞ്ചൂറിയന് ക്രിക്കറ്റ് ടെസ്റ്റില് ഇന്ത്യക്ക് തോല്വി