മൈതാനത്ത് ടീം തോറ്റാലെന്താ? ഗ്യാലറിയിൽ ഇന്ത്യൻ ആരാധകന് പ്രണയവിജയം; ഓസ്ട്രേലിയൻ യുവതിയോട് പ്രണയം തുറന്നുപറയുന്ന വീഡിയോ

സിഡ്നി: ഓസ്ട്രേലിയൻ പര്യടനത്തിലെ രണ്ടാം ഏകദിനത്തിലും ഇന്ത്യൻ ടീമിന് തോൽവി. തുടർച്ചയായ രണ്ടാം തോൽവിയോടെ ഓസ്ട്രേലിയക്ക് മുന്നിൽ ഇന്ത്യൻ ടീം പരമ്പര അടിയറ വെയ്ക്കുകയും ചെയ്തു. മൈതാനത്ത് ഇന്ത്യൻ ടീം പരാജയപ്പെട്ടെങ്കിലും ഗ്യാലറിയിലെ ഒരു ഇന്ത്യൻ ആരാധകൻ ഓസ്ട്രേലിയൻ സുന്ദരിയുടെ ഹൃദയം സ്വന്തമാക്കി. മത്സരത്തിനിടെ ഇന്ത്യൻ ആരാധകൻ ഓസ്ട്രേലിയൻ യുവതിയോടെ തന്റെ പ്രണയം തുറന്നുപറയുന്നതും യുവതി 'യെസ്' പറയുന്നതും ഇരുവരും പരസ്പരം ആലിംഗനം ചെയ്യുന്നതുമായ വീഡിയോ സോഷ്യൽ മീഡിയയുടെ മനം കവർന്നിരിക്കുകയാണ്.