ജയ് ഷാ ഐസിസി തലപ്പത്തേക്ക്; സ്ഥാനത്തെത്തുന്ന പ്രായം കുറഞ്ഞയാൾ
- Published by:ASHLI
- news18-malayalam
Last Updated:
ഇതോടെ ഏറ്റവും പ്രായം കുറഞ്ഞ ഐ.സി.സി ചെയര്മാനായി ജയ് ഷാ മാറി.
ന്യൂഡല്ഹി: അന്താരാഷ്ട്ര ക്രിക്കറ്റ് സംഘടനയായ ഐ.സി.സി യുടെ പുതിയ ചെയര്മാനായി ബി.സി.സി.ഐ സെക്രട്ടറി ജയ് ഷായെ എതിരില്ലാതെ തിരഞ്ഞെടുത്തു. ഇതോടെ ഏറ്റവും പ്രായം കുറഞ്ഞ ഐ.സി.സി ചെയര്മാനായി ജയ് ഷാ മാറി. ജയ് ഷാ 2024-ഡിസംബര് ഒന്ന് മുതലാണ് ചെയര്മാനായി ചുമതലയേല്ക്കുക. ചെയര്മാനായ ഗ്രഗ് ബാര്ക്ലേയുടെ പകരക്കാരനായാണ് അമിത് ഷാ എത്തുന്നത്.
രണ്ട് വട്ടം ഐ.സി.സി തലപ്പത്ത് എത്തിയ ബാര്ക്ലേ ഇനി ചെയര്മാന് സ്ഥാനത്തേക്കില്ലെന്ന് നേരത്തെ വ്യക്തമാക്കിയിരുന്നു. നവംബറോടെ അദ്ദേഹത്തിന്റെ കാലാവധി അവസാനിക്കും. 2020-ല് ഐ.സി.സിയുടെ ചെയർമാനായി ബാര്ക്ലേ 2022-ല് വീണ്ടും തിരഞ്ഞെടുക്കപ്പെടുകയായിരുന്നു. ഇതിന് മുമ്പ് ഐ.സി.സി തലപ്പത്തെത്തിയ ഇന്ത്യക്കാര് ജഗ്മോഹന് ഡാല്മിയ, ശരദ് പവാര്, എന്. ശ്രീനിവാസന്, ശശാങ്ക് മനോഹര് എന്നിവരാണ്.
ഐ.സി.സി തലപ്പത്തെത്തുന്ന അഞ്ചാമത്തെ ഇന്ത്യക്കാരനായ ജയ്ഷാ കേന്ദ്ര ആഭ്യന്തരമന്ത്രി അമിത്ഷായുടെ മകന് കൂടിയാണ്.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Aug 28, 2024 6:54 AM IST
