കോഹ്ലിയുടെ ബാംഗ്ലൂരിന് ജയം അനിവാര്യം; ഇന്ന് ലക്നൗ ജയന്‍റ്സിനെതിരെ

ഐപിഎല്ലിൽ ഇന്ന് റോയൽ ചലഞ്ചേഴ്സ് ബാംഗ്ലൂർ-ലക്നൗ ജയന്‍റ്സ് പോരാട്ടം. ഇന്ന് രാത്രി ഏഴര മുതൽ ബാംഗ്ലൂരിലെ ചിന്നസ്വാമി സ്റ്റേഡിയത്തിലാണ് മത്സരം. കൊൽക്കത്തയ്ക്കെതിരായ വമ്പൻ തോൽവിയോടെ ഐപിഎല്ലിൽ മുന്നേറാൻ ബാംഗ്ലൂരിന് ഇന്ന് ജയം അനിവാര്യമാണ്. അതേസമയം മറുവശത്ത് ഇതുവരെ കളിച്ച മൂന്നെണ്ണത്തിൽ രണ്ടെണ്ണം ജയിക്കാനായതിന്‍റെ ആത്മവിശ്വാസത്തിലാണ് ലക്നൗ ജയന്‍റ്സ്. എന്നാൽ വിരാട് കോഹ്ലിയെയും ഫാഫ് ഡുപ്ലെസിസിനെയും പോലുള്ള വമ്പൻമാർ അണിനിരക്കുന്ന ബാംഗ്ലൂരിലെ അത്ര എളുപ്പം മറികടക്കാൻ ലക്നൗ ജയന്‍റ്സിന് കഴിയുമോയെന്ന് കാത്തിരുന്ന് കാണേണ്ടതാണ്.