മാരിയപ്പൻ തങ്കവേലുവിന് രണ്ട് കോടി രൂപ പാരിതോഷികം പ്രഖ്യാപിച്ച് തമിഴ്‌നാട് സർക്കാർ

പുരുഷന്മാരുടെ ഹൈജമ്പ് ടി63 വിഭാഗത്തിലാണ് മാരിയപ്പൻ ഇന്ത്യക്കായി വെള്ളി മെഡൽ നേടിയത്. 1.86 മീറ്റര്‍ ഉയരം ചാടിയാണ് മാരിയപ്പന്‍ വെള്ളി മെഡല്‍ സ്വന്തമാക്കിയത്. 2016ല്‍ റിയോയില്‍ ഇന്ത്യക്കായി ഈയിനത്തിൽ സ്വര്‍ണം നേടിയ താരമാണ് മാരിയപ്പന്‍ തങ്കവേലു. റിയോയിൽ 1.89 മീറ്റർ പിന്നിട്ട താരത്തിന് ടോക്യോയിലെ മത്സരത്തിനിടെ പെയ്ത മഴയാണ് തിരിച്ചടി നൽകിയത്. മഴ മൂലം താരത്തിന്റെ വലതു കാലിലെ സോക്സ് നനയുകയും, ഇതേ തുടർന്ന് ചാടാൻ ബുദ്ധിമുട്ട് നേരിട്ടതായും മാരിയപ്പൻ വെളിപ്പെടുത്തിയിരുന്നു. ഫൈനലിൽ 1.86 മീറ്റർ പിന്നിട്ട അമേരിക്കയുടെ സാം ഗ്രൂ സ്വർണം നേടിയപ്പോൾ വെങ്കലം നേടിയത് ഇന്ത്യൻ താരം തന്നെ ആയിരുന്നു. ശരത് കുമാറാണ് വെങ്കലം നേടിയത്. താരം 1.83 മീറ്റര്‍ ഉയരം താണ്ടിയാണ് വെങ്കല മെഡലും ഇന്ത്യയുടെ പേരിൽ കുറിച്ചത്.