ടോക്കിയോ ഒളിമ്പിക്സ്: കോവിഡ് വ്യാപനം മൂലം പിന്മാറുകയാണെന്ന് ഉത്തര കൊറിയ

Published by:Rajesh V
news18-malayalam

Last Updated:Apr 07, 2021 2:24 PM IST

ശീതയുദ്ധത്തെ തുടർന്ന് 1988-ലെ സോൾ ഒളിമ്പിക്സിൽ നിന്ന് പിന്മാറിയ ശേഷം ഇതാദ്യമായാണ് ഉത്തര കൊറിയ ഒരു ഒളിമ്പിക്സിൽ പങ്കെടുക്കാതെയിരിക്കുന്നത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

കോവിഡ് 19 രോഗവ്യാപനത്തെ തുടർന്നുള്ള ആശങ്കയെ തുടർന്ന് ടോക്കിയോ ഒളിമ്പിക്സിൽ നിന്ന് പിന്മാറി ഉത്തര കൊറിയ. ഒളിമ്പിക്സിൽ നിന്നും പിന്മാറ്റം പ്രഖ്യാപിക്കുന്ന ആദ്യത്തെ രാജ്യമാണ് ഉത്തര കൊറിയ. ടോക്കിയോയിൽ കോവിഡ് ഭീഷണി നിലനിൽക്കുന്നതിനാൽ പ്രതിരോധത്തിലായ സംഘാടകരെ കൂടുതൽ പ്രതിസന്ധിയിലേക്ക് നയിക്കുന്നതായി ഈ പിന്മാറ്റം. ജൂലായ് 23നാണ് ഒളിമ്പിക്സ് തുടങ്ങേണ്ടത്. ശീതയുദ്ധത്തെ തുടർന്ന് 1988-ലെ സോൾ ഒളിമ്പിക്സിൽ നിന്ന് പിന്മാറിയ ശേഷം ഇതാദ്യമായാണ് ഉത്തര കൊറിയ ഒരു ഒളിമ്പിക്സിൽ പങ്കെടുക്കാതെയിരിക്കുന്നത്.

Also Read- Explained Tokyo Olympics | ടോക്കിയോ ഒളിമ്പിക്സിനെക്കുറിച്ച് കൂടുതൽ വിവരങ്ങൾ അറിയാം

മാർച്ച് 25-ന് ഉത്തര കൊറിയൻ കായിക മന്ത്രി കിം ഗുക്കും ഒളിമ്പിക് കമ്മിറ്റിയും തമ്മിൽ നടന്ന യോഗത്തിലാണ് ടോക്കിയോ ഒളിമ്പിക്സിൽ നിന്ന് പിന്മാറാനുള്ള തീരുമാനം എടുത്തതെന്നാണ് റിപ്പോർട്ട്. അടുത്ത അഞ്ചു വർഷം രാജ്യാന്തര തലത്തിൽ കായിക രംഗത്ത് കൂടുതൽ നേട്ടം കൊയ്യുന്നതിനുള്ള പദ്ധതികളും യോഗത്തിൽ ചർച്ച ചെയ്തതായി മന്ത്രി അറിയിച്ചു.

കായിക താരങ്ങളുടെ ആരോഗ്യത്തിനാണ് പ്രഥമ പരിഗണന നൽകുന്നതെന്നാണ് ഉത്തര കൊറിയൻ കായിക മന്ത്രാലയത്തിന്റെ വിശദീകരണം. "ഗെയിംസിൻ്റെ വിജയത്തിനായുള്ള ശ്രമത്തിലാണ് ഞങ്ങൾ. എല്ലാ രാജ്യങ്ങളുമായും ഒത്ത് ചേർന്ന് പ്രവർത്തിക്കും. കായികതാരങ്ങൾക്ക് ഏറ്റവും മികച്ച സൗകര്യമൊരുക്കി അവരെ സ്വാഗതം ചെയ്യാനുള്ള തയാറെടുപ്പിലാണ്" - ഒളിമ്പിക്സ് സംഘാടക സമിതി പ്രതികരിച്ചു.

Also Read- ചാമ്പ്യൻസ് ലീഗ് ക്വാർട്ടർ ഫൈനൽ: ലിവർപൂളിനെ വീഴ്ത്തി റയൽ; സിറ്റിക്കും ജയം

2016ലെ റിയോ ഒളിമ്പിക്സിൽ രണ്ട് വീതം സ്വർണവും വെങ്കലവും മൂന്ന് വീതം വെള്ളിയുമുൾപ്പെടെ ഏഴ് മെഡലുകളാണ് ഉത്തര കൊറിയ നേടിയത്. മെഡൽ പട്ടികയിൽ 34ാം സ്ഥാനത്തായിരുന്നു രാജ്യം. ഷൂട്ടിങ്, ജിംനാസ്‌റ്റിക്സ്, ഭരോദ്വാഹനം, ടേബിൾ ടെന്നീസ്, ഗുസ്തി എന്നിവയിൽ മെഡൽ നേടാൻ കെൽപ്പുള്ളവരാണ് ഉത്തര കൊറിയൻ താരങ്ങൾ.

Also Read- `മൊയീൻ അലിയെ വംശീയമായി അധിക്ഷേപിച്ച് തസ്‌ലിമ നസ്റീൻ; പോസ്റ്റിനെതിരെ വ്യാപക പ്രതിഷേധം, ജോഫ്ര ആർച്ചറും രംഗത്ത്

ഇരു കൊറിയൻ രാജ്യങ്ങളുടെയും ഐക്യം സാധ്യമാക്കാനുള്ള ദക്ഷിണ കൊറിയയുടെ നീക്കങ്ങൾക്ക് തിരിച്ചടിയായി ഉത്തര കൊറിയയുടെ പിന്മാറ്റം. 2018ൽ ദക്ഷിണ കൊറിയ വേദിയായ ശീതകാല ഒളിമ്പിക്സിലെ ഉദ്ഘാടന ചടങ്ങിൽ ഒരു പതാകയ്ക്ക് കീഴിലാണ് ഇരു രാജ്യങ്ങളും അണിനിരന്നത്. ഐസ് ഹോക്കിയിൽ വനിതാ വിഭാഗത്തിൽ ഇരു രാജ്യങ്ങളും സംയുക്ത ടീമുമയിട്ടാണ് ഇറങ്ങിയത്. 2032 ഒളിമ്പിക്സിന് സംയുക്ത വേദിക്കായുള്ള നീക്കത്തിനും തിരിച്ചടിയായി ഉത്തര കൊറിയയുടെ പിന്മാറ്റം.

News Summary: North Korea withdraws from Tokyo Olympics due to the spreading of Covid-19