'വാര്‍ത്താസമ്മേളനത്തിനിടെ മാധ്യമപ്രവര്‍ത്തകന്‍ ഉറങ്ങി, കയ്യോടെ പിടികൂടി താരം'; പിന്നീട് സംഭവിച്ചത്

ഓസ്‌ട്രേലിയന്‍ താരം ജെയിംസ് ഡക്ക്വര്‍ത്തിനെ 6-4, 6-3, 7-5 എന്ന സ്‌കോറിനായിരുന്നു നദാല്‍ പരാജയപ്പെടുത്തിയത്. ഇതിനു പിന്നാലെ നടന്ന വാര്‍ത്താസമ്മേളനത്തിനിടയിലായിരുന്നു മാധ്യമപ്രവര്‍ത്തകന്‍ കണ്ണടച്ചിരിക്കുന്നത് താരത്തിന്റെ ശ്രദ്ധയില്‍പ്പെട്ടത്. ഇതുകണ്ട താരം അത് അനുകരിക്കുകയും ചെയ്തു. മറ്റുള്ള മാധ്യമപ്രവര്‍ത്തകര്‍ക്കും നദാല്‍ സംഭവം കാണിച്ചുകൊടുക്കുകയും ചെയ്തു.

നദാലിനു പുറമെ റോജര്‍ ഫെഡറര്‍, മാരിന്‍ ചിലിച്ച്, കരോലിന്‍ വോസ്‌നിയാക്കി, ആഞ്ചലിക് കെര്‍ബര്‍, പെട്ര ക്വിറ്റോവ തുടങ്ങിയ പ്രമുഖര്‍ രണ്ടാം റൗണ്ടിലേക്ക് കന്നിട്ടുണ്ട്. എന്നാല്‍ ലോക മുന്‍ ഒന്നാം നമ്പര്‍ താരം ആന്‍ഡി മറെ ആദ്യ റൗണ്ടില്‍ തന്നെ പുറത്താവുകയും ചെയ്തു. 22 ാം സീഡ് സ്‌പെയ്‌ന്റെ ബൗറ്റിസ്റ്റയോട് അഞ്ച് സെറ്റ് നീണ്ട പോരാട്ടത്തിനൊടുവിലാണ് മറെ പരാജയപ്പെട്ടത്.