'ധവാനും മുംബൈയിലേക്കോ?'; രണ്ട് ഹൈദരാബാദ് താരങ്ങളെ റാഞ്ചാനൊരുങ്ങി മുംബൈ ഇന്ത്യന്‍സ്

ഹൈദരാബാദ് ടീമില്‍ ധവാന്‍ അത്ര സന്തുഷ്ടനല്ലെന്നാണ് പുറത്ത് വരുന്ന വാര്‍ത്തകള്‍. ടീം വിടാന്‍ താരം താല്‍പ്പര്യം പ്രകടിപ്പിച്ച കഴിഞ്ഞതായും റിപ്പോര്‍ട്ടുകളുണ്ട്. മുബൈ ഇന്ത്യന്‍സിലെത്തുകയാണെങ്കില്‍ ടീം നായകനും ദേശീയ ടീമില്‍ ധവാന്റെ സഹ ഓപ്പണറുമായ രോഹിത്തിനൊപ്പം മുംബൈയില്‍ ഇന്നിങ്ങ്‌സ് തുടങ്ങുക ധവാനാകും.

ധവാന് പുറമേ ആഭ്യന്തര ക്രിക്കറ്റില്‍ മികച്ച ഫോം തുടരുന്ന ബി സന്ദീപും മുംബൈയില്‍ എത്തിയേക്കും. ഫസ്റ്റ് ക്ലാസ് ക്രിക്കറ്റില്‍ മികച്ച ആവറേജുള്ള താരം മുംബൈയുടെ അമ്പാട്ടി റായിഡുവിന്റെ കടുത്ത ആരാധകനാണ്. 2010 ലായിരുന്നു സന്ദീപ് ഹൈദരാബാദിനായി രഞ്ജി അരങ്ങേറ്റം കുറിച്ചത്. അരങ്ങേറ്റ മത്സരത്തില്‍ ജാര്‍ഖണ്ഡിനെതിരെ സെഞ്ച്വറിയടിച്ച് തിളങ്ങിയ വ്യക്തിയാണ് ഇരുപത്താറുകാരനായ സന്ദീപ്.

സന്ദീപും രഞ്ജിയിലെ സഹതാരം ചാമാ മിലിന്ദും ഇന്ന് മുംബൈ ഇന്ത്യന്‍സിന്റെ ട്രയല്‍സില്‍ പങ്കെടുക്കുന്നുണ്ട്. 2014 ലും 2015 ലും ഹൈദരാബാദിന്റെ സ്‌ക്വാഡിലംഗമായിരുന്ന മിലിന്ദ് 2018 ല്‍ ഡല്‍ഹി ഡെയര്‍ ഡെവിള്‍സിലും അംഗമായിരുന്നു. പക്ഷേ താരത്തിന് ഇതുവരെ ഐപിഎല്ലില്‍ അരങ്ങേറാന്‍ കഴിഞ്ഞിട്ടില്ല.