Shakib Al Hasan | 'ഐപിഎല്ലിൽ കളിക്കാൻ പോയാൽ നിങ്ങൾ രാജ്യദ്രോഹിയെന്ന് വിളിക്കില്ലേ'; വിമർശകർക്കെതിരെ ഷാക്കിബിന്റെ ഭാര്യ

സജീവ ക്രിക്കറ്റിലെ മികച്ച ഓൾ റൗണ്ടർമാരിൽ ഒരാളായ ഷാക്കിബ് ലേലത്തിൽ രജിസ്റ്റർ ചെയ്തിരുന്നു. എന്നാൽ രണ്ട് കോടി രൂപ അടിസ്ഥാന വില നിശ്ചയിച്ചിരുന്ന ഷാക്കിബിനായി താരലേലത്തിൽ ഒരു ഫ്രാഞ്ചൈസിയും രംഗത്ത് വന്നിരുന്നില്ല. ഐസിസിയടെ ഓൾറൗണ്ടർമാരുടെ റാങ്കിങ്ങിൽ മുൻനിരയിലുള്ള ഷാക്കിബിനെ ആരും ടീമിലെടുക്കാതിരുന്നത് ക്രിക്കറ്റ് വിദഗ്ധരെയും ആരാധകരെയുമുൾപ്പെടെ എല്ലാവരെയും അമ്പരപ്പിച്ചിരുന്നു. ലേലത്തിൽ വിറ്റുപോകാതിരുന്നതിന് പിന്നാലെ താരത്തെ പരിഹസിച്ചുകൊണ്ട് പലരും രംഗത്തെത്തിയിരുന്നു. ഇപ്പോഴിതാ ഷാക്കിബിനെ പരിഹസിക്കുന്നവർക്കുള്ള മറുപടിയുമായാണ് താരത്തിന്റെ ഭാര്യയുടെ വെളിപ്പെടുത്തൽ. ഉമ്മെ ഫേസ്‌ബുക്കിൽ പങ്കുവെച്ച കുറിപ്പിലാണ് ഇക്കാര്യം വ്യക്തമാക്കുന്നത്. ഷാക്കിബിനെ ചില ഐപിഎൽ ഫ്രാഞ്ചൈസികൾ സമീപിച്ചിരുന്നതായും കുറിപ്പിൽ പറയുന്നുണ്ട്.

Also read- Sreesanth | 'രുക് ജാന നഹി'; ഐപിഎൽ താരലേല൦ നൽകിയ നിരാശ 'പാട്ടും പാടി' മറികടന്ന് ശ്രീശാന്ത് - വീഡിയോ

ശ്രീലങ്കയയുമായിട്ടുള്ള പരമ്പരയിൽ നിന്നും വിട്ടുനിന്നിരുന്നെങ്കിൽ ഷാക്കിബിന് ഐപിഎല്ലിൽ അവസരം ലഭിക്കുമായിരുന്നു. അപ്പോൾ ഷാക്കിബിനെ ഏതെങ്കിലും ഫ്രാഞ്ചൈസി ടീമിലെടുത്തിരുനെങ്ങിൽ നിങ്ങൾ ഇതുതന്നെ പറയുമായിരുന്നോ? അതോ അദ്ദേഹത്തെ നിങ്ങൾ രാജ്യദ്രോഹി എന്ന് മുദ്രകുത്തുമായിരുന്നോ? നിങ്ങളുടെ ആവേശം തല്ലിക്കെടുത്തിയതിന് തത്ക്കാലം ക്ഷമ ചോദിക്കുന്നു’ - ഉമ്മെ ഫേസ്ബുക്കിൽ കുറിച്ചു.

Also read- IPL Auction 2022 | ഐപിഎൽ മെഗാതാരാലേലത്തിൽ 10 ടീമുകളും സ്വന്തമാക്കിയ മുഴുവൻ താരങ്ങളെ പരിചയപ്പെടാം