ഇന്ത്യ – ദക്ഷിണാഫ്രിക്ക ടി20 ലോകകപ്പ് ഫൈനലിൽ മഴ കളിച്ചാൽ എന്ത് സംഭവിക്കും? മഴ നിയമങ്ങൾ ഇങ്ങനെ

വെസ്റ്റിൻഡീസിലെ ബ്രിഡ്ജ്ടൗണിലുള്ള കെൻസിങ്ടൺ ഓവലിലെ ബാർബഡോസിൽ ശനിയാഴ്ചയാണ് (ജൂൺ29) ഫൈനൽ മത്സരം. ലോകകപ്പിലെ പല മത്സരങ്ങൾക്കും മഴ രസം കൊല്ലിയായിരുന്നു. ഇന്ത്യ – ഇംഗ്ലണ്ട് സെമി മത്സരത്തിനെയും മഴ കാര്യമായി ബാധിച്ചിരുന്നു. അതിനാൽ തന്നെ ഫൈനലിൽ മഴ കളി മുടക്കാനെത്തിയാൽ എന്ത് സംഭവിക്കുമെന്ന് അറിയാൻ ക്രിക്കറ്റ് പ്രേമികൾക്ക് ആകാംക്ഷയുണ്ട്. ഐസിസി ടി20 ലോകകപ്പിലെ ഇത്തവണത്തെ മഴ നിയമങ്ങൾ എന്തെല്ലാമെന്ന് നോക്കാം...

അഥവാ നേരത്തെ നിശ്ചയിച്ച ദിവസം കുറച്ച് ഓവറുകൾ എറിഞ്ഞ് മത്സരം നടന്നുവെങ്കിൽ അതിൻെറ ബാക്കിയാണ് റിസർവ് ദിനത്തിൽ നടക്കുക. അതായത് എവിടെ വെച്ചാണോ യഥാർഥ ഫൈനൽ ദിവസം മത്സരം അവസാനിപ്പിച്ചത് അവിടെ മുതൽ റിസർവ് ദിനം മത്സരം തുടങ്ങും. ശനിയാഴ്ച മഴ കാരണം ഓവർ കുറയ്ക്കുകയോ മറ്റോ ചെയ്തെങ്കിൽ അങ്ങനെ തന്നെയായിരിക്കും മത്സരം നടക്കുക.

പ്രാദേശിക സമയം രാവിലെ 10.30 മുതൽ ഉച്ചയ്ക്ക് ഏകദേശം 2.30 വരെയാണ് മത്സരം നടക്കേണ്ടത്. ഈ സമയത്ത് നിലവിൽ മഴ ഭീഷണിയില്ലെന്നാണ് റിപ്പോർട്ട്. ജൂൺ 30ന് ഞായറാഴ്ചയും കാലാവസ്ഥാ പ്രവചനം പ്രകാരം കനത്ത മഴയ്ക്ക് സാധ്യതയില്ല. വൈകീട്ട് ചെറിയ മഴയ്ക്കും ഇടിമിന്നലിനും സാധ്യതയുണ്ടെന്നാണ് റിപ്പോർട്ട്.