Tokyo Olympics| ജാവലിൻ ത്രോയിൽ യോഗ്യതാ റൗണ്ടിൽ ഒന്നാമത്; നീരജ് ചോപ്ര ഫൈനലിൽ

Published by:Naveen
news18-malayalam

Last Updated:Aug 04, 2021 7:20 AM IST

ആദ്യ ശ്രമത്തിൽ തന്നെ 86.65 മീറ്ററാണ് താരം എറിഞ്ഞത്. യോഗ്യതാ റൗണ്ടിൽ നീരജ് മത്സരിക്കുന്ന ഗ്രൂപ്പ് എയിൽ താരത്തിന്റേത് തന്നെയാണ് ഏറ്റവും മികച്ച ദൂരം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ടോക്യോ ഒളിമ്പിക്സിന്റെ പതിമൂന്നാം ദിനത്തിൽ ഇന്ത്യയുടെ തുടക്കം ഗംഭീരമാക്കി നീരജ് ചോപ്ര. ഇന്ത്യക്ക് വേണ്ടി ജാവലിന്‍ ത്രോയില്‍ മത്സരിക്കാൻ ഇറങ്ങുന്ന താരം യോഗ്യതാ റൗണ്ടിൽ ഗ്രൂപ്പിൽ നിന്നും ഒന്നാമതായാണ് ഫൈനൽ റൗണ്ടിലേക്ക് യോഗ്യത നേടിയിരിക്കുന്നത്. ജാവലിനിൽ ഇന്ത്യയുടെ മെഡൽ പ്രതീക്ഷയായ താരം തകർപ്പൻ പ്രകടനമാണ് നടത്തിയിരിക്കുന്നത്.

ഗ്രൂപ്പ് എ യോഗ്യതാ റൗണ്ടിലെ ആദ്യ ശ്രമത്തില്‍ 83.50 എന്ന യോഗ്യതാ മാര്‍ക്ക് മറികടന്നായിരുന്നു താരത്തിന്റെ ഫൈനൽ റൗണ്ട് പ്രവേശനം. ആദ്യ ശ്രമത്തിൽ തന്നെ 86.65 മീറ്ററാണ് താരം എറിഞ്ഞത്. യോഗ്യതാ റൗണ്ടിൽ നീരജ് മത്സരിക്കുന്ന ഗ്രൂപ്പ് എയിൽ താരത്തിന്റേത് തന്നെയാണ് ഏറ്റവും മികച്ച ദൂരം. ഇന്ത്യക്ക് വേണ്ടി ഏഷ്യൻ ഗെയിംസിലും ഗോൾഡ്‌കോസ്റ്റ് കോമൺവെൽത്ത് ഗെയിംസിലും സ്വർണം നേടിയ താരം കൂടിയാണ് നീരജ് ചോപ്ര. താരത്തിന്റെ അരങ്ങേറ്റ ഒളിമ്പിക്സ് ആണ് ടോക്യോയിലെത്.

ആദ്യ ശ്രമത്തില്‍ തന്നെ യോഗ്യതാ മാര്‍ക്ക് കടന്ന് ഫൈനലില്‍ കടന്ന മറ്റൊരു താരം ഫിന്‍ലാന്‍ഡിന്റെ ലാസ്സി എറ്റലാറ്റലോ ആണ്. യോഗ്യതാ റൗണ്ട് ഗ്രൂപ്പ് ബി മത്സരം അല്പ സമയത്തിനകം നടക്കും. ഇന്ത്യയെ പ്രതിനിധീകരിച്ച് ശിവ്പാൽ സിങ് ഇതിൽ ഇറങ്ങുന്നുണ്ട്. ഫൈനല്‍ ഓഗസ്റ്റ് ഏഴിന് നടക്കും.

അതേസമയം, വനിതകളുടെ ജാവലിന്‍ ത്രോയിൽ ഇന്ത്യയുടെ അന്നു റാണി ഇന്നലെ ഫൈനല്‍ റൗണ്ടില്‍ കടക്കാതെ പുറത്തായിരുന്നു.

Now how good was that!? 😍#JavelinThrow | #NeerajChopra | #Tokyo2020 pic.twitter.com/Rq796aqk7M

— The Bridge (@the_bridge_in) August 4, 2021

I would have never bet that #NeerajChopra in his first attempt will exceed what Vetter could score after three tries!! Vetter has PB 97.76m

Neeraj tops the group A with 86.65M , looks very hopeful for medal pic.twitter.com/KPTUfS6nsz

— APJ (@apj234) August 4, 2021