'എക്കാലത്തേയും മികച്ച കളിക്കാരൻ നിങ്ങളാണ്'; ക്രിസ്റ്റ്യാനോ റൊണാൾഡോയെ കുറിച്ച് വിരാട് കോഹ്ലി

ക്രിസ്റ്റ്യാനോ റൊണാൾഡോ എന്ന കായികതാരത്തെ കുറിച്ചുള്ള ഇന്ത്യൻ ക്രിക്കറ്റ് താരം വിരാട് കോഹ്ലിയുടെ സോഷ്യൽമീഡിയ പോസ്റ്റിൽ പറയുന്നതും അതുതന്നെയാണ്. എക്കാലത്തേയും മികച്ച താരം എന്നാണ് കോഹ്ലി റൊണാൾഡോയെ വിശേഷിപ്പിച്ചത്.

“ഫുട്ബോളിനും ലോകത്തിലെ ഫുട്ബോൾ പ്രേമികൾക്കും നിങ്ങൾ നൽകിയതിനെ ചെറുതാക്കാൻ ഒരു ട്രോഫിക്കും ടൈറ്റിലിനും കഴിയില്ല. നിങ്ങൾ കളിക്കുന്നത് കാണുമ്പോൾ ഞാനടക്കമുള്ള ലോകമെമ്പാടുമുള്ള പലർക്കുമുണ്ടാകുന്ന ആവേശവും ആളുകളിൽ നിങ്ങൾ ചെലുത്തിയ സ്വാധീനവും വിശദീകരിക്കാൻ ഒരു ടൈറ്റിലിനും സാധിക്കില്ല. അത് ദൈവത്തിന്റെ വരമാണ്. കഠിനാധ്വാനത്തിന്റെയും അർപ്പണബോധത്തിന്റെയും പ്രതിരൂപവും ഏതൊരു കായികതാരത്തിനും യഥാർത്ഥ പ്രചോദനവും ആയ, ഓരോ തവണയും ഹൃദയം തുറന്നു കളിക്കുന്ന മനുഷ്യന് ലഭിക്കുന്ന യഥാർത്ഥ അനുഗ്രഹം. എന്നെ സംബന്ധിച്ച് എക്കാലത്തേയും മികച്ച താരം നിങ്ങളാണ്”- വൈകാരികമായ കുറിപ്പിൽ വിരാട് കോഹ്ലിയുടെ വാക്കുകൾ.