കിം ജോങ് ഉന്നിന്റെ ആരോഗ്യനില ഗുരുതരമെന്ന് റിപ്പോർട്ട്; സ്ഥിരീകരിക്കാതെ ഉത്തരകൊറിയ

ഉത്തരകൊറിയ ഇതുവരെ ഈ വാർത്തയോട് പ്രതികരിച്ചിട്ടില്ല. തലച്ചോറിന് ശസ്ത്രക്രിയ കഴിഞ്ഞെന്നുള്ള റിപ്പോർട്ടുകളാണ് പുറത്തുവരുന്നതെങ്കിലും യാതൊരു സ്ഥിരീകരണവും ലഭ്യമായിട്ടില്ല. ഹൃദയസംബന്ധമായ അസുഖത്തെ തുടർന്ന് കിം ചികിത്സയിലാണെന്ന് ദക്ഷിണ കൊറിയന്‍ പ്രദേശിക പത്രം റിപ്പോർട്ട് ചെയ്തിരുന്നു.

2014ൽ കിം ജോങ് ഉൻ ഇത്തരത്തിൽ ഒരുമാസത്തോളം പൊതുപരിപാടികളിൽ നിന്ന് വിട്ടുനിന്നിരുന്നു. അന്നും ആരോഗ്യസ്ഥിതി സംബന്ധിച്ച സംശയങ്ങളുയർന്നിരുന്നു. കണങ്കാലിലെ മുഴ നീക്കം ചെയ്തതാണെന്നായിരുന്നു അന്ന് കൊറിയൻ ഇന്റലിജൻസ് ഉദ്യോഗസ്ഥർ അറിയിച്ചിരുന്നത്.