ബാങ്കുകളോട് ചേർന്നുള്ള മണ്ണ് വീട്ടില്‍ സൂക്ഷിച്ചാല്‍ സമ്പത്തും ഭാഗ്യവും കുമിഞ്ഞുകൂടുമോ? ചൈനയിലെ കച്ചവടക്കാര്‍ പറയുന്നത്‌

വായ്പകളും നിക്ഷേപങ്ങളുമായി ബാങ്കുമായി സാമ്പത്തിക ഇടപാടുകള്‍ (bank transactions) നടത്താത്തവര്‍ ഇന്ന് നമ്മുടെ സമൂഹത്തില്‍ ചുരുക്കമായിരിക്കും. ഇപ്പോഴിതാ ചൈനയില്‍ നിന്നുള്ള ഒരു ട്രെന്‍ഡാണ് വാര്‍ത്തകളില്‍ ഇടം നേടുന്നത്. വന്‍കിട ബാങ്കുകളോട് ചേര്‍ന്നുള്ള സ്ഥലത്ത് നിന്ന് ശേഖരിക്കുന്ന മണ്ണ് വീട്ടില്‍ സൂക്ഷിക്കുകയാണെങ്കില്‍ സമ്പത്തും ഭാഗ്യവും കുമിഞ്ഞുകൂടുമെന്നാണ് വിശ്വാസം. ബാങ്കുകളുടെ സമീപത്തുനിന്ന് ശേഖരിക്കുന്ന ഒരു പിടി മണ്ണിന് 888 യുവാന്‍ (ഏകദേശം 10,200) രൂപയാണ് കച്ചവടക്കാര്‍ ഈടാക്കുന്നതെന്ന് സൗത്ത് ചൈന മോണിംഗ് പോസ്റ്റിലെ ഒരു റിപ്പോര്‍ട്ടില്‍ പറയുന്നു. ധനകാര്യകാര്യ സ്ഥാപനങ്ങള്‍ക്ക് ചുറ്റുമുള്ള പച്ചപ്പ് നിറഞ്ഞ പ്രദേശങ്ങളില്‍ നിന്നുള്ള മണ്ണ്, ബാങ്കിന്റെ ലോബിയിലെ ചെടികള്‍ വളര്‍ത്തുന്ന ചട്ടയില്‍ നിന്ന് ശേഖരിച്ച മണ്ണ്, പണം എണ്ണുന്ന യന്ത്രങ്ങളില്‍ പറ്റിപ്പിടിച്ച പൊടി എന്നിവയടങ്ങിയതാണ് ഈ മണ്ണ് എന്ന് വില്‍പ്പനക്കാര്‍ അവകാശപ്പെടുന്നു.