US Election 2020| വിജയം അവകാശപ്പെട്ട് ഡൊണാൾഡ് ട്രംപ്; തട്ടിപ്പിനെതിരെ സുപ്രീം കോടതിയെ സമീപിക്കും

വാഷിങ്ടൺ: അന്തിമഫലം പുറത്തുവരുന്നതിനു മുൻപേ വിജയം അവകാശപ്പെട്ട് പ്രസിഡന്റ് ഡൊണാള്‍ഡ് ട്രംപ്. അതേസമയം തെരഞ്ഞെടുപ്പില്‍ തട്ടിപ്പ് നടന്നിട്ടുണ്ടെന്നും ഇതിനെതിരെ സുപ്രീംകോടതി സമീപിക്കുമെന്നും ട്രംപ് പറഞ്ഞു. 'ഫ്ലോറിഡൽ വിജയിക്കുമെന്ന് പ്രതീക്ഷിച്ചിരുന്നില്ല, പക്ഷേ വലിയ വിജയം ലഭിച്ചു. ഒഹിയോയിലും ടെക്സാസിലും ജോർജിയയിലും നമ്മൾ ജയിച്ചു. നോർത്ത് കരോലിനയിലും വിജയം നേടി. ഇവിടെ നമ്മളെ പിടിക്കാൻ അവർക്ക് പറ്റില്ല. നമുക്ക് അരിസോണയിൽ വിജയിക്കേണ്ടതില്ല. പക്ഷേ അവിടെയും സാധ്യതയുണ്ട്. ഏറ്റവും പ്രധാനം പെൻസിൽവാനിയയിലെ വിജയമാണ്. വൻ ഭൂരിപക്ഷത്തിനാണ് നമ്മൾ ജയിച്ചത്.''- ട്രംപ് പ്രവർത്തകരോട് പറഞ്ഞു.