ആരാധകരുടെ കാത്തിരിപ്പിന് വിരാമം; 'ദൃശ്യം 2' ചിത്രീകരണം സെപ്റ്റംബർ 17ന് ആരംഭിക്കും

മോഹന്‍ലാല്‍ ചിത്രമായ ദൃശ്യം 2ന്‍റെ ചിത്രീകരണം ഈ മാസം 17ന് ആരംഭിക്കും.

ചിത്രം കോവിഡ് സമ്പര്‍ക്കവ്യാപനം രൂക്ഷമായ പശ്ചാത്തലത്തില്‍ കടുത്ത സുരക്ഷാക്രമീകരണങ്ങള്‍ ഒരുക്കി ആരംഭിക്കും.

ഷൂട്ടിങ് കഴിയുന്നതുവരെ സംഘത്തിലുള്ളവരെ മുഴുവന്‍ ക്വറന്‍റീന്‍ ചെയ്തായിരിക്കും ചിത്രീകരണം.

ടീം അംഗങ്ങളുടെ സമ്പൂര്‍ണ്ണ സുരക്ഷ ഉറപ്പാക്കുന്നതിനായി ഷൂട്ടിംഗിന്റെ മുഴുവന്‍ സമയത്തും അഭിനേതാക്കളെയും ക്രൂവിനെയും വേര്‍തിരിച്ച്‌ ആയിരിക്കും ചിത്രീകരണം നടത്തുക.

ആദ്യത്തെ ഷെഡ്യൂള്‍ കൊച്ചിയിലാകും എന്നാണ് സൂചന. അഭിനേതാക്കള്‍ക്കും ക്രൂ അംഗങ്ങള്‍ക്കും പുറത്തുനിന്നുള്ളവരുമായി യാതൊരു ബന്ധവുമില്ലാത്തവിധം ക്രമീകരണങ്ങള്‍ ഒരുക്കും.

ടീം അംഗങ്ങളെ പുറത്തിറങ്ങാനും അനുവദിക്കില്ല. കൊച്ചിയിലെ പതിനാലുദിവസത്തെ ഷൂട്ടിങ്ങിന് ശേഷമാണ് സംഘം തൊടുപുഴയിലെ പ്രധാന ലൊക്കേഷനിലേക്ക് നീങ്ങുക