ബിജെപി മാർച്ചിന് മുന്നിൽ ചെങ്കൊടിയുമായി സിപിഎം പ്രവർത്തകൻ; വീഡിയോ വൈറലാകുന്നു
- Published by:Anuraj GR
- news18-malayalam
Last Updated:
ബിജെപി മാർച്ചിന് മുന്നിൽ ഇരുകൈകളുംകൊണ്ട് കൊടി ഉയർത്തി, വലതു കൈ മുഷ്ടി അന്തരീക്ഷത്തിലേക്ക് ഉയർത്തി മുദ്രാവാക്യം വിളിക്കുകയാണ് സിപിഎം പ്രവർത്തകൻ
കൊച്ചി: ഖുറാൻ വിവാദത്തിൽ ബിജെപി നടത്തിയ പ്രതിഷേധ മാർച്ചിന് മുന്നിൽ ചെങ്കൊടിയുമായി സിപിഎം പ്രവർത്തകൻ മുദ്രാവാക്യം വിളിക്കുന്ന വീഡിയോ വൈറലാകുന്നു. എറണാകുളത്താണ് സംഭവം. മന്ത്രി കെ.ടി ജലീലിന്‍റെ രാജി ആവശ്യപ്പെട്ടുകൊണ്ട് ബിജെപി പ്രവർത്തകർ നടത്തിയ മാർച്ചിനുമുന്നിലേക്കാണ് സിപിഎം പ്രവർത്തകൻ ചെങ്കൊടിയുമായി കടന്നുവന്നത്.
ബിജെപി മാർച്ചിന് മുന്നിൽ ഇരുകൈകളുംകൊണ്ട് കൊടി ഉയർത്തി, വലതു കൈ മുഷ്ടി അന്തരീക്ഷത്തിലേക്ക് ഉയർത്തി മുദ്രാവാക്യം വിളിക്കുകയാണ് സിപിഎം പ്രവർത്തകൻ. ഈ വീഡിയോ ഇതിനോടകം സോഷ്യൽമീഡിയയിൽ വൈറലായി കഴിഞ്ഞു.
വലിയതോതിൽ മഴ പെയ്യുന്ന സമയത്താണ് സിപിഎം പ്രവർത്തകൻ ബിജെപി മാർച്ചിനു മുന്നിലേക്കു വരുന്നത്. ബിജെപി നേതാവ് സി.ജി രാജഗോപാലാണ് മാർച്ച് നയിച്ചിരുന്നത്. മാർച്ച് അടുത്തേക്കു വരുന്നതോടെ സിപിഎം പ്രവർത്തകനെ ഒരു പൊലീസുകാരൻ പിടിച്ചുമാറ്റുന്നതും ദൃശ്യങ്ങളിൽ കാണാം.
advertisement
You may also like:എന്റെ സ്റ്റേറ്റ് കേരളമാണോ, എന്റെ സിഎം വിജയനാണോ? നസ്രിയയുടെ ക്യൂട്ട് വീഡിയോ വൈറൽ [NEWS]IPL 2020| ഫിറ്റ് ബോഡി , പുതിയ ഹെയർ സ്റ്റൈൽ, താടി; എംഎസ് ധോണിയുടെ ലുക്ക് ഏറ്റെടുത്ത് ആരാധകർ [NEWS] IPL 2020 | മുംബൈ ഇന്ത്യൻസിനെ വീഴ്ത്തി ചെന്നൈ സൂപ്പർ കിങ്സ് തുടങ്ങി- ആദ്യ കളി ചിത്രങ്ങളിലൂടെ [NEWS]
മന്ത്രി കെ.ടി ജലീലിനെതിരെ സംസ്ഥാനത്തിന്‍റെ വിവിധ ഭാഗങ്ങളിൽ കനത്ത പ്രതിഷേധമാണ് ഉയരുന്നത്. അതിനിടെയാണ് കൊച്ചിയിൽനിന്ന് ബിജെപി മാർച്ചിനെതിരെ പ്രതിഷേധിക്കുന്ന സിപിഎം പ്രവർത്തകന്‍റെ ദൃശ്യങ്ങൾ വേറിട്ട കാഴ്ചയാകുന്നത്.
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
September 20, 2020 9:47 AM IST
മലയാളം വാർത്തകൾ/ വാർത്ത/Buzz/
ബിജെപി മാർച്ചിന് മുന്നിൽ ചെങ്കൊടിയുമായി സിപിഎം പ്രവർത്തകൻ; വീഡിയോ വൈറലാകുന്നു
