Hotspots in Kerala | സംസ്ഥാനത്ത് 14 പുതിയ ഹോട്ട്സ്പോട്ടുകൾ കൂടി; എതൊക്കെയെന്ന് അറിയാം
- Published by:Anuraj GR
- news18-malayalam
Last Updated:
ഇന്ന് 18 പ്രദേശങ്ങളെ ഹോട്ട്സ്പോട്ടിൽനിന്ന് ഒഴിവാക്കിയിട്ടുണ്ട്. സംസ്ഥാനത്ത് നിലവിൽ ആകെ 656 ഹോട്ട്സ്പോട്ടുകളാണുള്ളത്.
തിരുവനന്തപുരം: സംസ്ഥാനത്ത് ഇന്ന് 14 പുതിയ ഹോട്ട്സ്പോട്ടുകൾ കൂടി. ഇടുക്കി, കോട്ടയം, തൃശൂർ, പത്തനംതിട്ട, കൊല്ലം, കോവിക്കോട്, വയനാട്, കാസർകോട്, പാലക്കാട് ജില്ലകളിലാണ് പുതിയ ഹോട്ട്സ്പോട്ടുകൾ. അതേസമയം ഇന്ന് 18 പ്രദേശങ്ങളെ ഹോട്ട്സ്പോട്ടിൽനിന്ന് ഒഴിവാക്കിയിട്ടുണ്ട്. സംസ്ഥാനത്ത് നിലവിൽ ആകെ 656 ഹോട്ട്സ്പോട്ടുകളാണുള്ളത്. ആരോഗ്യമന്ത്രി കെ.കെ ശൈലജ വാർത്താകുറിപ്പിലൂടെ അറിയിച്ചതാണ് ഇക്കാര്യം.
പുതിയ ഹോട്ട്സ്പോട്ടുകൾ
ഇടുക്കി ജില്ലയിലെ വാഴത്തോപ്പ് (കണ്ടൈന്മെന്റ് സോണ് വാര്ഡ് 1, 14), മുട്ടം (13), കോട്ടയം ജില്ലയിലെ പാറത്തോട് (19), അയര്കുന്നം (19), തൃശൂര് ജില്ലയിലെ പന്നയൂര്കുളം (സബ് വാര്ഡ് 18), പടിയൂര് (8, 11(സബ് വാര്ഡ്), 12), പത്തനംതിട്ട ജില്ലയിലെ പെരിങ്ങര (സബ് വാര്ഡ് 15), കടമ്പനാട് (9), കൊല്ലം ജില്ലയിലെ കുന്നത്തൂര് (സബ് വാര്ഡ് 16), കൊല്ലം ജില്ലയിലെ മൈലം (13), കോഴിക്കോട് ജില്ലയിലെ മൂടാടി (സബ് വാര്ഡ് 4), വയനാട് ജില്ലയിലെ നൂല്പ്പുഴ (സബ് വാര്ഡ് 1), കാസര്ഗോഡ് ജില്ലയിലെ ബെള്ളൂര് (4), പാലക്കാട് ജില്ലയിലെ കുതന്നൂര് (15) എന്നിവയാണ് പുതിയ ഹോട്ട് സ്പോട്ടുകള്.
advertisement
കേരളത്തില് ഇന്ന് 8135 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് വാർത്താസമ്മേളനത്തിൽ അറിയിച്ചു. 29 മരണങ്ങളാണ് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് 67 പേര് വിദേശ രാജ്യങ്ങളില് നിന്നും 218 പേര് മറ്റ് സംസ്ഥാനങ്ങളില് നിന്നും വന്നതാണ്. 7013 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 730 പേരുടെ സമ്പര്ക്ക ഉറവിടം വ്യക്തമല്ല.
105 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ കോവിഡ് ബാധിച്ചത്. എറണാകുളം ജില്ലയിലെ 2 ഐ.എന്.എച്ച്.എസ്. ജീവനക്കാര്ക്കും രോഗം ബാധിച്ചു. ചികിത്സയിലായിരുന്ന 2828 പേരുടെ പരിശോധനാഫലം നെഗറ്റീവ് ആയി.
advertisement
സംസ്ഥാനത്തെ വിവിധ ജില്ലകളിലായി 2,43,107 പേരാണ് ഇപ്പോള് നിരീക്ഷണത്തിലുള്ളത്. ഇവരില് 2,12,849 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 30,258 പേര് ആശുപത്രികളിലും നിരീക്ഷണത്തിലാണ്. 3150 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Location :
First Published :
Oct 01, 2020 7:25 PM IST
മലയാളം വാർത്തകൾ/ വാർത്ത/Corona/
Hotspots in Kerala | സംസ്ഥാനത്ത് 14 പുതിയ ഹോട്ട്സ്പോട്ടുകൾ കൂടി; എതൊക്കെയെന്ന് അറിയാം
