ലോക്ക് ഡൗൺ പരാജയപ്പെട്ടു; കേന്ദ്രത്തിന്‍റെ മുന്നോട്ടുള്ള പദ്ധതിയെന്തെന്ന് വ്യക്തമാക്കണമെന്ന് രാഹുൽ ഗാന്ധി

ന്യൂഡൽഹി: ലോക്ക്ഡൗണിന്‍റെ നാലുഘട്ടങ്ങളും പരാജയപ്പെട്ടുവെന്ന വിമർശനവുമായി കോൺഗ്രസ് നേതാവ് രാഹുൽ ഗാന്ധി. കർശന നിയന്ത്രണങ്ങൾ ഉണ്ടായിട്ടും രാജ്യത്ത് കോവിഡ് ബാധിതരുടെ എണ്ണത്തിൽ വന്‍ വർധനവ് ഉണ്ടാകുന്ന സാഹചര്യത്തിലാണ് വയനാട് എംപി കൂടിയായ രാഹുലിന്‍റെ പ്രതികരണം.കൊറോണ വൈറസിനെ 21 ദിവസം കൊണ്ട് കീഴ്പ്പെടുത്താമെന്ന പ്രധാനമന്ത്രിയുടെ പ്രാരംഭ പദ്ധതി പരാജയപ്പെട്ടതോടെ അദ്ദേഹം പുറകിലേക്ക് പോയി.. എന്നാൽ മുൻനിരയിൽ വന്ന് പോരാട്ടം തുടരാന്‍ അദ്ദേഹം തയ്യാറാകണമെന്നും രാഹുൽ ഗാന്ധി ആവശ്യപ്പെട്ടു.