ഓപ്പറേഷൻ പി ഹണ്ട്; കണ്ണൂരില് മാത്രം 25 പേര്ക്കെതിരേ കേസ്; പിടിയിലായവരില് വിദ്യാർഥിയും
- Published by:Aneesh Anirudhan
- news18-malayalam
Last Updated:
മലപ്പുറത്ത് കുട്ടികളുടെ അശ്ലീലവീഡിയോ ഡൗണ്ലോഡുചെയ്ത് മൊബൈല്ഫോണില് സൂക്ഷിച്ച യുവാവിനെ തിരൂരങ്ങാടി പോലീസ് അറസ്റ്റുചെയ്തു.
തിരുവനന്തപുരം: കുട്ടികളുടെ അശ്ലീല ചിത്രങ്ങൾ കാണുന്നവരെ കണ്ടെത്താൻ പൊലീസ് സംസ്ഥാന വ്യാപകമായി നടത്തിയ ഓപ്പറേഷന് പി-ഹണ്ട് പരിശോധനയിൽ നിരവധി പേർ അറസ്റ്റിൽ. കണ്ണൂര്, മലപ്പുറം, ഇടുക്കി, തൃശ്ശൂര് ജില്ലകളിലെ വിവിധ പോലീസ് സ്റ്റേഷന് പരിധികളിലായി ഒട്ടേറേ കേസുകളും രജിസ്റ്റര് ചെയ്തു. നിരവധി മൊബൈല് ഫോണുകളും പോലീസ് പിടിച്ചെടുത്തിട്ടുണ്ട്. കണ്ണൂരില് മാത്രം 25 പേര്ക്കെതിരേയാണ് കേസെടുത്തത്.
പയ്യന്നൂര്, പരിയാരം, കണ്ണൂര് ടൗണ് തുടങ്ങിയ പോലീസ് സ്റ്റേഷന് പരിധിയില് ഒന്നിലേറെ കേസുകളെത്തിട്ടുണ്ട്. തളിപ്പറമ്പ്, ധര്മടം, പാനൂര്, കൊളവല്ലൂര്, വളപട്ടണം, കുടിയാന്മല, പിണറായി, ചക്കരക്കല്ല്, മയ്യില്, എടക്കാട്, പേരാവൂര് തുടങ്ങിയ സ്റ്റേഷന് പരിധികളില് ഓരോ കേസ് വീതെമെടുത്തു.
മലപ്പുറത്ത് കുട്ടികളുടെ അശ്ലീലവീഡിയോ ഡൗണ്ലോഡുചെയ്ത് മൊബൈല്ഫോണില് സൂക്ഷിച്ച യുവാവിനെ തിരൂരങ്ങാടി പോലീസ് അറസ്റ്റുചെയ്തു. മമ്പുറം സ്വദേശി തൊണ്ടിക്കോടന് മുഹമ്മദ് ഫവാസ് (22) ആണ് അറസ്റ്റിലായത്. നിലമ്പൂരില് പശ്ചിമ ബംഗാൾ സ്വദേശിയും പൊലീസിന്റെ പിടിയിലായി. വെസ്റ്റ് ബംഗാള് നാദിയ ജില്ലയിലെ എസ്.കെ. രാഹുലിനെയാണ് നിലമ്പൂര് സി.ഐ. എം.എസ്. ഫൈസല് അറസ്റ്റുചെയ്തത്.
advertisement
താമരശ്ശേരിയില് നിര്മാണത്തൊഴില് നടത്തിവന്നിരുന്ന ഇയാള് 10 ദിവസം മുന്പാണ് നിലമ്പൂരിലെ മുക്കട്ടയില് താമസമാക്കിയത്. സൈബര് സെല്ലിന്റെ സഹായത്തോടെയാണ് ഇയാളെ വലയിലാക്കുന്നത്. തൃശൂർ ചാവക്കാട് മേഖലയിൽ കടപ്പുറം അഞ്ചങ്ങാടി, പുത്തന്കടപ്പുറം, ഇരട്ടപ്പുഴ മേഖലകളിലെ വീടുകളിലാണ് പരിശോധന നടത്തിയത്. പരിശോധനയില് മൂന്ന് ഫോണുകള് പോലീസ് പിടിച്ചെടുത്തു.
കൊരട്ടിയിൽ കുട്ടികളുടെ അശ്ലീലദൃശ്യങ്ങള് ഇന്റര്നെറ്റില് കണ്ട യുവാവിന്റെ വീട്ടില് പോലീസ് പരിശോധന നടത്തി. രണ്ട് ഫോണുകള് വിശദപരിശോധനയ്ക്കായി സൈബര് സെല്ലിന് കൈമാറി. വിദ്യാര്ഥിയായ യുവാവ് മൊബൈല്ഫോണ് വഴി അശ്ലീല വെബ്സൈറ്റില് ദൃശ്യങ്ങള് പതിവായി കണ്ടതായും ഡൗണ്ലോഡ് ചെയ്ത് സൂക്ഷിച്ചതായും പരിശോധനയില് കണ്ടെത്തി.
advertisement
ഇടുക്കിയിൽ രണ്ടു പേര്ക്കെതിരേ പോലീസ് കേസെടുത്തു. ഇവരുടെ മൊബൈല് ഫോണുകള് പിടിച്ചെടുത്ത് കോടതിക്ക് കൈമാറി. കഴിഞ്ഞ കുറേ നാളുകളായി സൈബര് സെല് ഇവരെ നിരീക്ഷിച്ചുവരുകയായിരുന്നു.
പിടിച്ചെടുത്ത ഇവരുടെ മൊബൈലുകള് കൂടുതല് പരിശോധനകള്ക്കായി അയയ്ക്കും. ഇവര് നിരോധിത സൈറ്റുകളില്നിന്നു കുട്ടികളുടെ അശ്ലീല വീഡിയോകള് ഡൗണ്ലോഡ് ചെയ്യുകയോ കാണുകയോ ചെയ്തിട്ടുണ്ടെന്ന് തെളിഞ്ഞാല് പോക്സോ കേസ് കൂടി ചാര്ജ് ചെയ്യുമെന്ന് ഇടുക്കി പോലീസ് അറിയിച്ചു.
Location :
First Published :
Jun 07, 2021 12:34 PM IST
മലയാളം വാർത്തകൾ/ വാർത്ത/Crime/
ഓപ്പറേഷൻ പി ഹണ്ട്; കണ്ണൂരില് മാത്രം 25 പേര്ക്കെതിരേ കേസ്; പിടിയിലായവരില് വിദ്യാർഥിയും
