കാമുകിയെ മോഷണത്തിന് പിടികൂടി; വീട്ടുടമയുടെ വ്യാജഫേസ്ബുക്ക് അക്കൗണ്ടിൽ അശ്ലീലചിത്രങ്ങളും ഫോൺനമ്പരും; യുവാവിന്റെ പ്രതികാരം

ഇയാളെ ഇന്നലെ പൊലീസ് അറസ്റ്റ് ചെയ്തു. കാമുകി ജോലി ചെയ്ത വീട്ടിലെ സ്ത്രീയുടെ ഫോൺ നമ്പരും വ്യാജ അക്കൗണ്ടിൽ നൽകിയിരുന്നു.

സെപ്റ്റംബർ 16നാണ് ഇതുസംബന്ധിച്ച പരാതി പൊലീസ് രജിസ്റ്റർ ചെയ്തത്. തുടർന്ന് പൊലീസ് നടത്തിയ അന്വേഷണത്തിൽ മാസങ്ങൾക്ക് മുമ്പ് വീട്ടിൽ നിന്നും മോഷണത്തിന് ജോലിക്കാരിയായ പെൺകുട്ടിയെ പിടികൂടിയെന്ന് കണ്ടെത്തി. അന്ന് വീട്ടുടമ പൊലീസിന് പരാതി നൽകിയിരുന്നില്ല. യുവതിക്ക് ശാസന നൽകി മോഷണ മുതൽ തിരിച്ചു വാങ്ങി വീണ്ടും ജോലിയിൽ പ്രവേശിപ്പിച്ചു.

ഫെയ്സ്ബുക്കിൽ വ്യാജ അക്കൗണ്ട് നിർമിച്ച കാമുകൻ, മറ്റ് സ്ത്രീകളുടെ അശ്ലീല ചിത്രങ്ങളും പോസ്റ്റ് ചെയ്തിരുന്നു. അക്കൗണ്ടിൽ വീട്ടുടമയായ സ്ത്രീയുടെ ഫോൺ നമ്പരും നൽകി. ഇവരുടെ നമ്പരിലേക്ക് നിരന്തരം ഫോൺ കോൾ വന്നതോടെയാണ് വിവരം അറിയുന്നത്. ഇതോടെ പൊലീസിൽ പരാതി നൽകി.

എഫ്ബി പ്രൊഫൈലിന്റെ വിശദാംശങ്ങൾ എടുത്തപ്പോൾ സൂരജ് എന്നയാളാണ് അക്കൗണ്ട് നിർമിച്ചതെന്ന് വ്യക്തമായി. പിന്നാലെ ഇയാളെ അറസ്റ്റ് ചെയ്യുകയും ചെയ്തു. തുടർന്ന് നടത്തിയ ചോദ്യം ചെയ്യലിലാണ് കാമുകി നേരിട്ട അപമാനത്തിന് പ്രതികാരം ചെയ്തതാണെന്ന് ഇയാൾ പൊലീസിനോട് പറഞ്ഞത്. സ്ത്രീയുടെ വ്യാജ ഐഡി നിർമിച്ചായിരുന്നു അക്കൗണ്ട് ക്രിയേറ്റ് ചെയ്തത്. കുറ്റകൃത്യം ചെയ്യാന‍് ഇയാൾ ഉപയോഗിച്ച മൊബൈൽ ഫോണും പൊലീസ് പിടിച്ചെടുത്തു.