Katrina Kaif | കത്രീന കൈഫിന് പ്രണയം; വിക്കിയുമായുള്ള ബന്ധം സ്ഥിരീകരിച്ച് ഹർഷ് വർദ്ധൻ കപൂർ

ന്യൂഡൽഹി: ബോളിവുഡ് താരങ്ങളായ കത്രീന കൈഫും വിക്കി കൗശലും തമ്മിൽ പ്രണയത്തിലാണെന്ന് റിപ്പോർട്ട്. നടൻ ഹർഷ് വർദ്ധൻ കപൂർ അടുത്തിടെ നടത്തിയ ഒരു അഭിമുഖത്തിലാണ് ഈ വലിയ രഹസ്യം വെളിപ്പെടുത്തിയത്. ഹർഷ് വർ‌ദ്ധൻ കപൂർ അടുത്തിടെ സൂമിന്റെ ചാറ്റ് ഷോയായ ബൈ ഇൻ‌വൈറ്റ് ഓൺലിയിൽ പ്രത്യക്ഷപ്പെടുകയും വിക്കി കൗശലും കത്രീന കൈഫും തമ്മിൽ പ്രണയത്തിലാണെന്ന് കിംവദന്തികളോട് പ്രതികരിക്കുകയുമായിരുന്നു. ഇവരുടെ ബന്ധത്തെ കുറിച്ച് ചോദിച്ചപ്പോൾ ഹർഷ് വർദ്ധൻ കപൂറിന്‍റെ മറുപടി ഇങ്ങനെയായിരുന്നു, "വിക്കിയും കത്രീനയും ഒരുമിച്ചാണ്, അത് ശരിയാണ്." "ഇത് പറഞ്ഞതിന് ഞാൻ കുഴപ്പത്തിലാകുമോ? എനിക്കറിയില്ല. അവർ ഇതേക്കുറിച്ച് ഇതിനോടകം തുറന്ന മനസോടെയുള്ള സമീപനത്തിലാണെന്ന് ഞാൻ കരുതുന്നു."