പാർട്ടി കോൺഗ്രസിൽ പലസ്തീന് ഐക്യദാർ‌ഢ്യം; കഫിയ അണിഞ്ഞ് സിപിഎം പ്രതിനിധികൾ

മധുര: സിപിഎം പാർട്ടി കോൺഗ്രസിൽ പലസ്തീന് ഐക്യദാർഢ്യവുമായി സമ്മേളന പ്രതിനിധികൾ. മധുരയിൽ നടക്കുന്ന പ്രതിനിധി സമ്മേളനത്തിൽ പലസ്തീനോട് ഐക്യദാര്‍ഢ്യം പ്രഖ്യാപിച്ചുകൊണ്ട് കഫിയ അണിഞ്ഞാണ് പ്രതിനിധികളെത്തിയത്. മുഖ്യമന്ത്രി പിണറായി വിജയൻ, പ്രകാശ് കാരാട്ട്, ബൃന്ദ കാരാട്ട്, എം എ ബേബി അടക്കമുള്ള നേതാക്കളെല്ലാം കഫിയ ധരിച്ച് പലസ്തീൻ അനുകൂല മുദ്രാവാക്യം മുഴക്കി. സയണിസത്തിനെതിരെയും സാമ്രാജ്യത്വത്തിനെതിരെയും പ്രതിനിധികൾ മുദ്രാവാക്യം വിളിച്ചു.