മേഹുൽ ചോക്സിയെ ഇന്ത്യക്ക് ഉടൻ കൈമാറില്ല; നടപടി സ്റ്റേ ചെയ്ത് ഡൊമിനിക്കൻ സുപ്രീം കോടതി

അതേസമയം, കഴിഞ്ഞ മെയ് 23ന് രാത്രി റസ്റ്റോറന്റിലേക്ക് പോകുന്നതിനിടെ ചോക്സിയെ തട്ടിക്കൊണ്ടു പോവുകയായിരുന്നുവെന്ന് ഡൊമിനിക്കയിലെ അദ്ദേഹത്തിന്റെ അഭിഭാഷകനായ വെയ്ൻ മാർഷ് പറഞ്ഞു. ഒരു ഇന്ത്യക്കാരനും ആന്റി​ഗ്വക്കാരനായ പോലീസ് ഓഫീസറുമാണ് തട്ടിക്കൊണ്ട് പോയത്. തുടർന്ന് ഡൊമിനിക്കയുടെ പതാകയുള്ള ഒരു യാട്ടിൽ മുഖം മറച്ച് കൊണ്ടുവന്ന ശേഷം മെയ് 26നാണ് അറസ്റ്റ് രേഖപ്പെടുത്തിയത്. ചോക്സിക്ക് കസ്റ്റഡിയിൽ മർദ്ദനമേറ്റതായും കാണുമ്പോൾ ശരീരത്തിൽ മുറിവുകളുണ്ടായിരുന്നു എന്നും കണ്ണുകൾ നീര് വന്ന് വീർത്തിരുന്നതായും അഭിഭാഷകൻ പറഞ്ഞു.

ആന്റി​ഗ്വയിൽ നിന്ന് കഴിഞ്ഞദിവസം ചോക്സിയെ കാണാതായതോടെ ഇയാൾ ക്യൂബയിലേക്ക് രക്ഷപ്പെട്ടുവെന്നാണ് വാർത്തകൾ വന്നത്. തുടർന്ന് ആന്റി​ഗ്വ ചോക്സിക്കെതിരെ യെല്ലോ നോട്ടീസ് നൽകാൻ ഇന്റർപോളിനോട് ആവശ്യപ്പെട്ടിരുന്നു.