ജ്യോതിരാദിത്യ സിന്ധ്യ ബിജെപിയിൽ ചേർന്നു; തീരുമാനമെടുത്തത് അച്ഛന്റെ 75ാം ജന്മ വാർഷികത്തിൽ

അച്ഛനും അന്തരിച്ച കോൺഗ്രസ് നേതാവുമായ മാധവ റാവുവിന്റെ 75ാം ജന്മ വാർഷികമായ ചൊവ്വാഴ്ചയാണ് സിന്ധ്യ കോൺഗ്രസിൽ നിന്ന് രാജിവെച്ച് ബിജെപിയിൽ ചേരാൻ തീരുമാനിച്ചത്. രാവിലെ പ്രധാനമന്ത്രി നരേന്ദ്രമോദി, ആഭ്യന്തരമന്ത്രി അമിത് ഷാ എന്നിവരുമായുള്ള കൂടിക്കാഴ്ചയ്ക്കുശേഷമാണ് ജ്യോതിരാദിത്യ സിന്ധ്യ കോണ്‍ഗ്രസ് അധ്യക്ഷ സോണിയ ഗാന്ധിക്ക് രാജിക്കത്ത് കൈമാറിയത്. ഇതിനു പിന്നാലെ സിന്ധ്യയെ പുറത്താക്കുന്നതായി കോൺഗ്രസ് പത്രക്കുറിപ്പ് ഇറക്കി.