Amit Shah| പ്രയാഗ്‌രാജിലെ ത്രിവേണി സംഗമത്തിൽ കേന്ദ്രമന്ത്രി അമിത് ഷാ പുണ്യസ്നാനം നടത്തി; പുണ്യജലം തളിച്ച് യുപി മുഖ്യമന്ത്രി യോഗി ആദിത്യനാഥ്

മഹാകുംഭമേളയ്ക്കെത്തിയ കേന്ദ്ര ആഭ്യന്തരമന്ത്രി അമിത് ഷാ പ്രയാഗ്‌രാജിലെ ത്രിവേണി സംഗമത്തിൽ പുണ്യസ്നാനം നടത്തി. ഉത്തർപ്രദേശ് മുഖ്യമന്ത്രി യോഗി ആദിത്യനാഥും പ്രമുഖ സന്യാസിമാരും ഷായ്‌ക്കൊപ്പം ഉണ്ടായിരുന്നു. യുപി മുഖ്യമന്ത്രി യോഗി ആദിത്യനാഥ് അമിത് ഷായുടെ ദേഹത്ത് പുണ്യജലം തളിക്കുന്ന വീഡിയോ ദൃശ്യങ്ങൾ പുറത്തുവന്നു. സംഗമത്തിലെ പുണ്യജലത്തിൽ ഷാ നിൽക്കുന്നത് വീഡിയോയിൽ കാണാം. ആദ്യം യോഗിയും പിന്നാലെ ഒപ്പമുള്ളവരും ആഭ്യന്തരമന്ത്രിക്കുമേൽ വെള്ളം തളിച്ചു. ഉച്ചത്തിലുള്ള മന്ത്രജപങ്ങൾക്കിടയിൽ യു പി മുഖ്യമന്ത്രി യോഗി ആദിത്യനാഥും പുണ്യസ്നാനം നടത്തി.