പെഗാസസ് ഫോൺ ചോർത്തൽ പട്ടികയിൽ രാഷ്ട്രീയക്കാരും മാധ്യമപ്രവർത്തകരും; അടിസ്ഥാന രഹിതമെന്ന് സർക്കാർ

ഇസ്രായേൽ കമ്പനിയായ എൻഎസ്ഒ ഗ്രൂപ്പിന്റെ ചാര സോഫ്റ്റുവെയറാണ് പെഗാസസ്. സർക്കാരുകൾക്ക് മാത്രം ലഭിക്കുന്ന ചാര സോഫ്റ്റുവെയറാണിത്.  2019 ലും പെഗാസസ് വാർത്തകളിൽ ഇടംപിടിച്ചിരുന്നു. ലോകത്തെമ്പാടുമായി 121 ഇന്ത്യക്കാരുടേതുൾപ്പെടെ 1,400 ഉപയോക്താക്കളുടെ ഫോണുകൾ ഹാക്കുചെയ്യാൻ പെഗാസസ് സ്പൈവെയർ ഉപയോഗിച്ചുവെന്നായിരുന്നു കണ്ടെത്തിയത്.

അതേസമയം, കൃത്യമായ തെളുവുകൾ ഇല്ലാതെയുള്ള ആരോപണമാണെന്നാണ് കേന്ദ്രസർക്കാരിന്റെ വിശദീകരണം. പൗരന്മാരുടെ മൗലികാവകാശമായ സ്വകാരാത്യ ഉറപ്പു വരുത്തുന്ന രാജ്യമാണ് ഇന്ത്യ. വ്യക്തികളുടെ സ്വകാര്യ ഡാറ്റ പരിരക്ഷിക്കുന്നതിനും സോഷ്യൽ മീഡിയ പ്ലാറ്റ്‌ഫോമുകളുടെ ഉപയോക്താക്കളെ ശാക്തീകരിക്കുന്നതിനുമായി 2019 ൽ വ്യക്തിഗത ഡാറ്റ പരിരക്ഷണ ബിൽ, 2021 ലെ ഇൻഫർമേഷൻ ടെക്നോളജി (ഇന്റർമീഡിയറി മാർഗ്ഗനിർദ്ദേശങ്ങളും ഡിജിറ്റൽ മീഡിയ എത്തിക്സ് കോഡും) റൂളും നിലവിൽ രാജ്യത്തുണ്ട്.