തെരുവ് നായ്ക്കൾ കൂട്ടത്തോടെ ആക്രമിച്ചു; ആറ് വയസുകാരൻ മരിച്ചു: അമ്മയ്ക്ക് പരുക്ക്

വീടിനടുത്തുള്ള ഗ്രൗണ്ടിൽ കളിക്കുകയായിരുന്ന സഞ്ജു ജാദവ് എന്ന കുട്ടിയാണ് ആക്രമണത്തിനിരയായത്. ആറ് തെരുവ് നായ്ക്കൾ ചേർന്ന് കുട്ടിയെ ആക്രമിക്കുകയായിരുന്നു. തടയാൻ ശ്രമിക്കുന്നതിനിടെയാണ് അമ്മയ്ക്ക് പരുക്കേറ്റത്.

രക്തം വാർന്ന് ഗുരുതരാവസ്ഥയിലാണ് കുട്ടിയെ ആശുപത്രിയിലെത്തിച്ചത്. ആശുപത്രിയിലേക്കുള്ള വഴിയിലാണ് കുട്ടി മരിച്ചത്. സംഭവത്തിനു പിന്നാലെ പ്രദേശവാസികൾ ഭോപ്പാൽ മുനിസിപ്പൽ കോർപ്പറേഷനെതിരെ രംഗത്തെത്തി. തെരുവ് നായ ശല്യം തടയുന്നതിൽ മുൻസിപ്പൽ കോർപ്പറേഷൻ പരാജയമാണെന്ന് ജനങ്ങൾ ആരോപിച്ചു.

കഴിഞ്ഞ വർഷം ഫെബ്രുവരിയിൽ തെരുവ് നായയുടെ ആക്രമണത്തിൽ 18 മാസം പ്രായമുള്ള കുഞ്ഞ് മരിച്ചിരുന്നു.