ഇന്ന് പുറത്തുവരുന്നത് സുപ്രധാന വിധിന്യായങ്ങൾ

എസ്.സി.-എസ്.ടി. ജീവനക്കാരുടെ സ്ഥാനക്കയറ്റത്തിന് പിന്നാക്കാവസ്ഥയും പ്രാതിനിധ്യവും കഴിവും കണക്കിലെടുക്കണമെന്ന 2006ലെ എം. നാഗരാജ് കേസിലെ വിധി പുനഃപരിശോധിക്കണമെന്ന ആവശ്യം. രാവിലെ 10. 30ന് ചീഫ് ജസ്റ്റിസ് ദീപക് മിശ്രയുടെ അധ്യക്ഷതയിൽ ഉള്ള നാഗരാജ് കേസിൽ അംഞ്ചംഗ ഭരണഘടന ബെഞ്ച് ആദ്യം വിധി പറയും. ചീഫ് ജസ്റ്റിസ് ദീപക് മിശ്ര, ജസ്റ്റിസ് കുര്യൻ ജോസഫ്, ജസ്റ്റിസ് റോഹിങ്ടൻ നരിമാൻ, ജസ്റ്റിസ് സഞ്ജയ് കിഷൻ കൗൾ, ജസ്റ്റിസ് ഇന്ദു മൽഹോത്ര എന്നിവരടങ്ങിയ ബെഞ്ചാണ് വിധി പറയുന്നത്.

സർക്കാർ സേവനങ്ങൾക്ക് ആധാർ നിർബന്ധമാക്കണമോയെന്ന കേസിലാണ് രണ്ടാമത് വിധി പറയുക. നാലര മാസത്തോളം നീണ്ട വാദങ്ങൾക്കൊടുവിലാണ് കേസിൽ വിധി പറയുന്നത്. സുപ്രീം കോടതിയുടെ ചരിത്രത്തിലെ ഏറ്റവും നീണ്ട രണ്ടാമത്തെ വാദമാണ് കേസിൽ നടന്നത്. ആധാർ നിർബന്ധമാക്കരുതെന്ന് ആവശ്യപ്പെട്ട് 29ഓളം ഹർജികളാണ് കോടതി പരിഗണിച്ചത്.

കർണാടകത്തിലെ ഉത്തരാദി മഠവും, രാഘവേന്ദ്ര മഠവും തമ്മിൽ പതിറ്റാണ്ടുകളായി തുടരുന്ന തർക്കത്തിലെ വിധിയാണ് മൂന്നാമത് പുറത്തുവരിക. ചീഫ് ജസ്റ്റിസ് ദീപക് മിശ്ര, ജസ്റ്റിസ് എ എൻ ഖാൻവിൽക്കർ, ജസ്റ്റിസ് ഡി വൈ ചന്ദ്രചൂഡ് എന്നിവരടങ്ങിയ ബെഞ്ചാണ് കേസിൽ വിധി പറയുക.

ഭരണഘടന ബെഞ്ചിന്‍റേത് ഉൾപ്പടെയുള്ള സുപ്രധാന കേസുകളിലെ നടപടികളിൽ തത്സമയ സംപ്രേക്ഷണം വേണം എന്ന് ആവശ്യപ്പെട്ടുള്ള ഹർജിയിലാണ് കോടതി അഞ്ചാമതായി ഇന്ന് വിധി പറയുന്നത്. ചീഫ് ജസ്റ്റിസ് ദീപക് മിശ്ര ജസ്റ്റിസ് എ എൻ ഖാൻവിൽക്കർ, ജസ്റ്റിസ് ഡി വൈ ചന്ദ്രചൂഡ് എന്നിവരുൾപ്പെട്ട ബെഞ്ചാണ് വിധി പറയുന്നത്.

ആൾക്കൂട്ട കൊലപാതകം തടയുന്നതിന് ഉള്ള മാർഗ്ഗ രേഖ പുറത്ത് ഇറക്കണമെന്ന് ആവശ്യപ്പെട്ടുള്ള ഹർജിയിലാണ് ആറാമതായി വിധി പറയുക. ചീഫ് ജസ്റ്റിസ് ദീപക് മിശ്ര ജസ്റ്റിസ് എ എൻ ഖാൻവിൽക്കർ, ജസ്റ്റിസ് ഡി വൈ ചന്ദ്രചൂഡ് എന്നിവരുൾപ്പെട്ട ബെഞ്ചാണ് വിധി പുറപ്പെടുവിക്കുക.

ക്രിമിനൽ കേസിൽ ശിക്ഷിക്കപ്പെടുന്ന ജനപ്രതിനിധികളെ അയോഗ്യരാക്കുന്നത് സംബന്ധിച്ചുള്ള കേസിലാണ് എട്ടാമതായി വിധി പറയുന്നത്. ക്രിമിനൽ കേസുകളിൽ ശിക്ഷിക്കപെടുന്ന ജനപ്രതിനികളെ അയോഗ്യരാക്കുന്നത് സംബന്ധിച്ച 2013ലെ ലില്ലി തോമസ് വിധിയുമായി ബന്ധപ്പെട്ട വിഷയം. ശിക്ഷ മേൽക്കോടതി സ്റ്റേ ചെയ്താലും അയോഗ്യതക്ക് ഇളവ് അനുവദിക്കരുത് എന്നാണ് കോടതിക്ക് മുമ്പാകെയുള്ള ആവശ്യം. ചീഫ് ജസ്റ്റിസ് ദീപക് മിശ്ര ജസ്റ്റിസ് എ എൻ ഖാൻവിൽക്കർ, ജസ്റ്റിസ് ഡി വൈ ചന്ദ്രചൂഡ് എന്നിവരുൾപ്പെട്ട ബെഞ്ചാണ് വിധി പറയുന്നത്.