COVID 19| ഇനിയുള്ള 30 ദിവസങ്ങൾ രാജ്യത്തിന് നിർണായകം

ലോകാരോഗ്യ സംഘടനയുടെ മാനദണ്ഡ പ്രകാരം കോവിഡ് 19 ന്റെ വ്യാപനത്തെ നാല് ഘട്ടങ്ങളായാണ് തിരിച്ചിട്ടുള്ളത്. ഇതിന്റെ രണ്ടാം ഘട്ടത്തിലൂടെയാണ് ഇന്ത്യ ഇപ്പോൾ കടന്നുപോകുന്നത്. വിദേശത്ത് നിന്ന് മടങ്ങിയെത്തവരിൽ നിന്ന് പ്രദേശവാസികളിലേക്ക് വൈറസ് പകരുന്നതാണ് ഈഘട്ടം.

മൂന്നാംഘട്ടമാണ് കോവിഡ് വ്യാപനത്തിൽ നിർണായകം. വ്യാപകമായ തോതിൽ വൈറസ് ബാധ റിപ്പോർട്ട് ചെയ്യുന്നതാണ് ഈ ഘട്ടമെന്ന് ആരോഗ്യവിദഗ്ധർ ചൂണ്ടിക്കാട്ടുന്നു. ഇവിടെ തന്നെയുള്ള വൈറസ് ബാധിതരിൽ നിന്നു മറ്റുള്ളവരിലേക്കു പകരുന്ന സ്ഥിതിയാണിത്. ആരിൽ നിന്ന് ആരിലേക്കാണ് പകരുന്നത് എന്ന് വ്യക്തമാവുകയുമില്ല. നാലാം ഘട്ടമെത്തുമ്പോഴേക്കും സ്ഥിതി നിയന്ത്രണാതീതമാകും.