ബിജെപി സ്വയം അപഹാസ്യമാകുന്നുവെന്ന് മുഖ്യമന്ത്രി

ന്യൂഡൽഹി: ബിജെപി നടത്തുന്ന ഹർത്താൽ അംഗീകരിക്കാനാവത്തതെന്ന് മുഖ്യമന്ത്രി പിണറായി വിജയൻ. ബി ജെ പി സ്വയം അപഹാസ്യമാകുന്നു. ഹർത്താൽ എന്തിനെന്ന് ബിജെപി വ്യക്തമാക്കണമെന്നും മുഖ്യമന്ത്രി ഡൽഹിയിൽ പറഞ്ഞു. നാടിന്റെ പുരോഗതിയെക്കുറിച്ച് ബി.ജെ.പി കേന്ദ്ര നേതൃത്വത്തിന് ധാരണയുണ്ടെങ്കിൽ ഇക്കാര്യത്തിൽ  ഇടപെടണം. വേണുഗോപാലൻ നായർ മരിക്കുന്നതിന് മുമ്പ് മജിസ്ട്രേറ്റ് മരണ മൊഴി രേഖപ്പെടുത്തിയിട്ടുണ്ട്. കുടുംബപ്രശ്നങ്ങള്‍ കാരണം മനംനൊന്താണ് ആത്മഹത്യയെന്ന് വേണുഗോപാലന്‍ നായര്‍ മരണമൊഴിയില്‍ വ്യക്തമാക്കിയിട്ടുണ്ടെന്ന് മുഖ്യമന്ത്രി പറഞ്ഞു. പൊളിറ്റ് ബ്യൂറോ യോഗത്തിനായി ഡൽഹി എകെജി ഭവനിൽ എത്തിയപ്പോഴായിരുന്നു മുഖ്യമന്ത്രിയുടെ പ്രതികരണം.