അടിസ്ഥാന സൗകര്യങ്ങളുള്ള എല്ലാ സ്വകാര്യ ആശുപത്രികളിലും വാക്സിൻ നൽകണം; നിര്‍ദേശങ്ങളുമായി കെ.ജി.എം.ഒ.എ

തിരുവനന്തപുരം: കോവിഡ് വാക്സിനേഷൻ വേഗത്തിലും ഫലപ്രദമായും പരമാവധി പേരിലേക്ക് എത്തിക്കാനുള്ള നിർദ്ദേശങ്ങളാണ് കെ.ജി.എം.ഒ.എ മുന്നോട്ട് വച്ചത്. നിലവിൽ 45 വയസ്സിനു മുകളിൽ ഉള്ളവരുടെയും, 40 -44 വയസ്സിനിടയിൽ ഗുരുതര അസുഖങ്ങൾ ഉള്ളവരുടെയും 18 -44 വയസ്സിനിടയിലുള്ള മുൻനിര പ്രവർത്തകരുടെയുടെയും പ്രവാസികളുടെയും വാക്‌സിനേഷനാണ് നടക്കുന്നത്. എന്നാൽ വാക്സിനേഷൻ നടത്തിപ്പിനെതിരെ വ്യാപക പരാതികൾ ഉയരുന്നുണ്ട്. കോവിഡ് മൂന്നാം തരംഗം നേരിടാൻ വാക്‌സിനേഷൻ കൂടുതൽ ആളുകളിലേക്ക്‌ പെട്ടെന്ന് എത്തിക്കണം. നിലവിലുള്ള വാക്‌സിനേഷനുമായി ബന്ധപ്പെട്ട പ്രശ്നങ്ങളും പരിഹരവും അടങ്ങുന്ന നിർദ്ദേശങ്ങളാണ് മുഖ്യമന്ത്രിയ്ക്ക് സമർപ്പിച്ചത്.