Kochi Metro | കൊച്ചി മെട്രോ പേട്ടയിലേക്ക്; തിങ്കളാഴ്ച മുതല്‍ ഓടിത്തുടങ്ങും

നിലവില്‍ ആലുവ മുതല്‍ തൈക്കുടം വരെയായിരുന്നു മെട്രോ സര്‍വീസ്. ഇതാണ് തിങ്കളാഴ്ച മുതല്‍ പേട്ടയിലേക്കും നീളുന്നത്. തൃപ്പൂണിത്തുറ വരെ സര്‍വീസ് നടത്തുന്നതിനുള്ള നിര്‍മ്മാണ ജോലികള്‍ പുരോഗമിക്കുകയാണ്.

മെയില്‍ പേട്ട വരെ സര്‍വീസ് നടത്താന്‍ സജ്ജമായിരുന്നെങ്കിലും കോവിഡ് മൂലമാണ് നീട്ടിവെച്ചത്. കോവിഡ് മൂലം നിര്‍ത്തിവെച്ച സര്‍വീസ് പുനരാരംഭിക്കുന്ന ദിനത്തില്‍ തന്നെ പേട്ട സര്‍വീസ് തുടങ്ങാന്‍ കഴിയുന്നതില്‍സന്തേഷമുണ്ടെന്ന് എംഡി അല്‍ഖേഷ് കുമാര്‍ ശര്‍മ്മ പറഞ്ഞു.

ഗതാഗത മന്ത്രി ഏ കെ ശശീന്ദ്രന്‍, ഹൈബി ഈഡന്‍ എം.പി ,മേയര്‍ സൗമിനി ജെയിന്‍, എംഎല്‍എമാരായ പി ടി തോമസ്, എം സ്വരാജ് എന്നിവര്‍ ചടങ്ങില്‍ പങ്കെടുക്കും.

യാത്രക്കാർക്ക് സാമൂഹിക അകലം പാലിച്ചുകൊണ്ട് ഇരിക്കുന്നതിനായി സീറ്റുകളിൽ അടയാളങ്ങൾ ചെയ്തിട്ടുണ്ട്. നിന്ന് യാത്ര ചെയ്യുന്നതിനായി പ്രത്യേകം അടയാളപ്പെടുത്തിയ സ്ഥലങ്ങളിൽ മാത്രമായിരിക്കും അനുവാദമുണ്ടാവുകയുള്ളൂ. കൂടാതെ ഓരോ ട്രിപ്പിന് ശേഷവും സാനിറ്റൈസ് ചെയ്തതിന് ശേഷമായിരിക്കും അടുത്ത ട്രിപ്പ് ആരംഭിക്കുക. നൂറ് മുതൽ ഇരുന്നൂറ് പേർക്ക് മാത്രമായിരിക്കും സഞ്ചരിക്കാൻ കഴിയുക.