വിജയരാഘവന്റെ അധിക്ഷേപം: പരാതി നൽകുമെന്ന് രമ്യാ ഹരിദാസ്

വിജയരാഘവന്റെ പരാമര്‍ശം അത്യന്തം ഖേദകരമാണ്. ഇതാണോ മുഖ്യമന്ത്രി പറഞ്ഞിരുന്ന നവോത്ഥാന മൂല്യമെന്നു വ്യക്തമാക്കണമെന്നും രമ്യ ആവശ്യപ്പെട്ടിട്ടുണ്ട്.

Asha Sulfiker | news18
Updated: April 2, 2019, 11:32 AM IST
വിജയരാഘവന്റെ അധിക്ഷേപം: പരാതി നൽകുമെന്ന് രമ്യാ ഹരിദാസ്
രമ്യ ഹരിദാസ്, എ വിജയരാഘവൻ
  • News18
  • Last Updated: April 2, 2019, 11:32 AM IST
  • Share this:
ആലത്തൂർ : വിവാദപരാമര്‍ശം നടത്തിയ എല്‍ഡിഎഫ് കണ്‍വീനര്‍ എ. വിജയരാഘവനെതിരേ പരാതി നല്‍കുമെന്ന് ആലത്തൂരിലെ യുഡിഎഫ് സ്ഥാനാര്‍ത്ഥി രമ്യ ഹരിദാസ്. വിജയരാഘവന്റെ പരാമര്‍ശം അത്യന്തം ഖേദകരമാണ്. ഇതാണോ മുഖ്യമന്ത്രി പറഞ്ഞിരുന്ന നവോത്ഥാന മൂല്യമെന്നു വ്യക്തമാക്കണമെന്നും രമ്യ ആവശ്യപ്പെട്ടിട്ടുണ്ട്.

Also Read-രമ്യക്കെതിരായ വിവാദ പരാമര്‍ശം: വിജയരാഘവനെതിരെ കേസെടുക്കണമെന്ന് മഹിളാ കോണ്‍ഗ്രസ്

'ഉത്തരവാദിത്തപ്പെട്ട ഒരു മുന്നണിയുടെ നേതാവ് ഇത്തരത്തിൽ പറഞ്ഞതിൽ ഖേദമുണ്ട്. നവോത്ഥാനത്തിന് വേണ്ടി പറയുന്ന ആളുകളാണ്. അപ്പോൾ ഒരോന്ന് പറയുമ്പോള്‍ സംയമനത്തോടെ താനൊരു സ്ഥാനാർഥിയാണ് സ്ത്രീയാണ് എന്ന പരിഗണന നൽകണമായിരുന്നു. ആശയപപരമായ രാഷട്രീയമായ ഒരു യുദ്ധമാണ് ഉണ്ടായിരിക്കുന്നത്. യുഡിഎഫ് നേതാക്കളുമായി ആലോചിച്ചിട്ടുണ്ട്. പരാതി കൊടുക്കാൻ തന്നെയാണ് തീരുമാനം. ഇനിയൊരാളുടെയും പേരിൽ ഇതുപോലുള്ള പരാമർശങ്ങൾ ഉണ്ടാകരുത്'. എന്നായിരുന്നു രമ്യയുടെ വാക്കുകൾ.

Also Read-രമ്യാ ഹരിദാസിനെതിരെ മോശം പരാമർശവുമായി LDF കൺവീനർ എ വിജയരാഘവൻ

കഴിഞ്ഞ ദിവസം പൊന്നാനിയിൽ നടന്ന എൽഡിഎഫ് കൺവൻഷനിൽ വിജയരാഘവൻ നടത്തിയ ചില പരാമർശങ്ങളാണ് വിവാദത്തിനിടയാക്കിയത്. ആലത്തൂരിലെ യുഡിഎഫ് സ്ഥാനാർഥിയായ കുട്ടി പാണക്കാട് തങ്ങളെയും കുഞ്ഞാലിക്കുട്ടിയെയും കണ്ടുവെന്നും കുഞ്ഞാലിക്കുട്ടിയെ കണ്ട കാര്യം എന്താകുമെന്ന് പറയുന്നില്ല എന്നുമായിരുന്നു പരാമര്‍‌ശം.

First published: April 2, 2019, 9:35 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading