Jose K Mani 'ജോസിനോട് യു.ഡി.എഫ് ചെയ്തത് ക്രൂരത; എൽ.ഡി.എഫ് വേദന മാറ്റുന്ന മുന്നണി; കാനം മഹാൻ': ഇ.പി. ജയരാജൻ

തിരുവനന്തപുരം: ജോസ് കെ.മാണിയോട് യു.ഡി.എഫ് ചെയ്തത് ക്രൂരതയെന്ന് മന്ത്രി ഇ.പി ജയരാജൻ. ഒരു പാർട്ടിയോടും ചെയ്യാൻ പാടില്ലാത്തതാണത്. 32 വർഷം ഒരുമിച്ചു പ്രവർത്തിച്ചവരാണ് അവർ. ഒരു ദിവസം രാവിലെ പത്രക്കാരെ വിളിച്ചു  ചേർത്ത് പുറത്താക്കിയെന്ന് അറിയിച്ചു. അത് അവരെ വല്ലാതെ വേദനിപ്പിച്ചു. എല്ലാവരുടേയും വേദന മാറ്റുന്ന പാർട്ടിയും മുന്നണിയുമാണ് ഇടതു മുന്നണിയെന്നും ഇ.പി. ന്യൂസ് 18 മലയാളത്തോടു പറഞ്ഞു.