'ആനയുടെ വായ ഭാഗം പൊള്ളലേറ്റ നിലയില്‍'; മലമ്പുഴയിൽ കാട്ടാന ചരിഞ്ഞതിൽ ദുരൂഹതയുണ്ടെന്ന് ആനപ്രേമി സംഘം

ആനയുടെ വായ ഭാഗം പൊള്ളലേറ്റ നിലയാണ്. സ്ഫോടക വസ്തു പൊട്ടിയോ വൈദ്യുതി ലൈനിൽ കടിച്ച് ഷോക്കേറ്റോ ആണ് ആന ചരിഞ്ഞതെന്ന് സംശയിക്കുന്നു. വനംവകുപ്പ് ഉന്നത ഉദ്യോഗസ്ഥരുടെയും സംഘടനകളുടെയും സാന്നിധ്യത്തിൽ ജഡം പോസ്റ്റ്മോർട്ടം ചെയ്യണമെന്ന് ആവശ്യപ്പെട്ടിട്ടും ഉണ്ടായില്ലെന്ന് മന്ത്രിക്ക് അയച്ച പരാതിയിൽ പറയുന്നു.

ദിവസത്തോളം പഴക്കമുള്ള ജഡം അഴുകി തുടങ്ങിയ നിലയിലായിരുന്നു ആനയുടെ ജ‍ഡം കണ്ടെത്തിയത്. മുപ്പത് വയസ്സോളം പ്രായമുള്ള പിടിയാനയാണ് ചരിഞ്ഞത്. മലമ്പുഴ പ്രദേശത്ത് കുറച്ചു നാളുകളായി തമ്പടിച്ചിട്ടുള്ള കാട്ടാന കൂട്ടത്തിലെ അവശനിലയിൽ ആയ ആനയാണ് ചരിഞ്ഞതെന്ന് സംശയിക്കുന്നതായി ഉദ്യോഗസ്ഥർ പറഞ്ഞിരുന്നു.