കാർഷിക വിപണിക്ക് പിന്നാലെ പൂഞ്ഞാര് 'തൊഴില്വീഥി'യുമായി പി സി ജോര്ജ് എംഎല്എ
- Published by:Rajesh V
- news18-malayalam
Last Updated:
തൊഴില് അന്വേഷകര്ക്കും തൊഴില്ദാതാക്കള്ക്കും കണ്ടുമുട്ടാന് ഒരു പ്ലാറ്റ്ഫോമാണ് ലക്ഷ്യം.
കര്ഷകര്ക്ക് തങ്ങളുടെ ഉത്പന്നങ്ങള് വില്ക്കുന്നതിനും വാങ്ങുന്നതിനുമായി രൂപീകരിച്ച പൂഞ്ഞാര് കാര്ഷികവിപണി വിജയമായതിന് പിന്നാലെയാണ് തൊഴില് അന്വേഷകര്ക്കും തൊഴില്ദാതാക്കള്ക്കും കണ്ടുമുട്ടാന് ഒരു പ്ലാറ്റ്ഫോമായി പൂഞ്ഞാര് തൊഴില്വീഥി പരീക്ഷണാടിസ്ഥാനത്തില് രൂപീകരിക്കുന്നത്.
കോവിഡിനെത്തുടര്ന്ന് ജോലി നഷ്ടപ്പെട്ടവര്ക്കും കൃഷി ചെയ്യാന് ഭൂമിയില്ലാത്തവരുമായ ആളുകള്ക്കും സഹായകരമാകാനാണ് തൊഴില്വീഥിയിലൂടെ ഉദ്ദേശിക്കുന്നതെന്ന് എംഎൽഎ പറയുന്നു. ഫേസ്ബുക്ക്, വാട്ട്സാപ്പ് എന്നിവയുടെ സാധ്യതകളെ പരമാവധി പ്രയോജനപ്പെടുത്തി നൈപുണ്യ ജോലികള്ക്കും കാര്ഷിക/കാര്ഷികേതര ജോലികള്ക്കും തുടങ്ങി പ്രൊഫഷണല് ജോലിക്കാരെ വരെ കിട്ടുന്ന ഒരു ഡാറ്റാ ബാങ്ക്, ഒഴിവുകള് പോസ്റ്റ് ചെയ്യാന് ഒരു ഫേസ്ബുക്ക് ഗ്രൂപ്പ് എന്നിങ്ങനെയാണ് തൊഴില്വീഥിയിലൂടെ ലക്ഷ്യമിടുന്നത്.
advertisement
സോഷ്യല് മീഡിയ ഉപയോഗിക്കാത്ത ആളുകളെ ഫോണ്വഴി ബന്ധപ്പെടാനുള്ള സൗകര്യവും ഒരുക്കും. തൊഴില്വീഥി കൂടുതല് ഫലവത്തായും ജനങ്ങള്ക്കു പ്രയോജനപ്പെടുംവിധം രൂപീകരിക്കുന്നതിനും ആവശ്യമായ ആശയങ്ങളും നിര്ദേശങ്ങളും പൊതുജനങ്ങളില്നിന്നു സ്വീകരിക്കുമെന്നും പി സി ജോര്ജ് എംഎല്എ പറഞ്ഞു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 11, 2020 2:42 PM IST
മലയാളം വാർത്തകൾ/ വാർത്ത/Kerala/
കാർഷിക വിപണിക്ക് പിന്നാലെ പൂഞ്ഞാര് 'തൊഴില്വീഥി'യുമായി പി സി ജോര്ജ് എംഎല്എ
