കുഞ്ഞാലിക്കുട്ടിയ്ക്ക് മത്സരിക്കാന്‍ പാണക്കാട് തങ്ങള്‍ പണം നല്‍കട്ടെയെന്ന് കെ സുരേന്ദ്രന്‍

വോട്ടര്‍മാരെ പരിഹസിക്കുകയാണ് കുഞ്ഞാലിക്കുട്ടിയും മുസ്ലിംലീഗുമെന്ന് സുരേന്ദ്രന്‍ ആരോപിച്ചു. കോണ്‍ഗ്രസിനെ ദുര്‍ബലമാക്കി യുഡിഎഫിനെ നിയന്ത്രിക്കാനാണ് ലീഗ് നീക്കം. പി കെ കുഞ്ഞാലിക്കുട്ടി എം പി സ്ഥാനം രാജിവെയ്ക്കുന്നത് നിരുത്തരവാദിത്വപരമായ തീരുമാനമാണ്. മത്സരം ലീഗിന്റെ ആഭ്യന്തരകാര്യമായിരിക്കും. അങ്ങനെയെങ്കിലും തെരഞ്ഞെടുപ്പ് ചെലവ് പാണക്കാട് നിന്ന് കൊടുക്കട്ടെയന്നും സുരേന്ദ്രന്‍ പരിഹസിച്ചു.

ഗവര്‍ണറുടെ വിവേചനധികാരത്തെ ചോദ്യം ചെയ്യാന്‍ ആര്‍ക്കും അവകാശമില്ല. രാഷ്ട്രീയ കളിയ്ക്കായി നിയമസഭയെ ഉപയോഗിക്കരുത്. ഗവര്‍ണ്ണര്‍ ഭരണഘടനയനുസരിച്ചാണ് പ്രവര്‍ത്തിക്കുന്നതെന്ന കാര്യം ആരും മറക്കരുതെന്ന് സുരേന്ദ്രന്‍ പറഞ്ഞു.