'സ്വർണ്ണ കള്ളക്കടത്തിന് ആസ്ഥാനം മുഖ്യമന്ത്രിയുടെ ഓഫീസ്'; സർക്കാരിനെതിരായ അവിശ്വാസപ്രമേയം അവതരിപ്പിച്ച് വി.ഡി സതീശൻ; ചർച്ച തുടരുന്നു

തിരുവനന്തപുരം: സ്വർണക്കടത്ത് കേസ്, ലൈഫ് മിഷൻ തുടങ്ങിയ വിഷയങ്ങളുമായി ബന്ധപ്പെട്ട് സർക്കാരിനെതിരായ അവിശ്വാസപ്രമേയം പ്രതിപക്ഷം സഭയിൽകൊണ്ടുവന്നു. വി.ഡി സതീശൻ എംഎൽഎയാണ് അവിശ്വാസപ്രമേയം അവതരിപ്പിച്ചത്. സ്വർണക്കടത്തിന് ആസ്ഥാനമായത് മുഖ്യമന്ത്രിയുടെ ഓഫീസാണെന്ന് വി.ഡി സതീശൻ പറഞ്ഞു. മുഖ്യമന്ത്രി കപ്പിത്താനായുള്ള കേരലത്തിലെ ഭരണമെന്ന കപ്പൽ ആടി ഉലയുകയാണ്. സമ്പൂർണ്ണ ആസുത്രണം കള്ളക്കടത്ത് മാഫിയുടേതാണ്. അമിത അധികാരങ്ങൾ ഉള്ള ശിവശങ്കറിനെ അവർ വരുതിയിലാക്കി. മുഖ്യമന്ത്രിയുടെ ഓഫീസ് കള്ളകടത്ത് സംഘം റാഞ്ചിയെന്നും അദ്ദേഹം ആരോപിച്ചു.