Nail-Biting | നഖം കടിക്കാറുണ്ടോ? ഗുരുതര ആരോഗ്യപ്രശ്നങ്ങളിലേക്ക് നയിച്ചേക്കാം; അത് ഒഴിവാക്കാൻ എന്ത് ചെയ്യണം?

നഖം കടിക്കുന്ന ശീലത്തിന് പിന്നിൽ പല കാരണങ്ങളും ഉണ്ടായേക്കാമെന്ന് ഇന്ത്യൻ എക്സ്പ്രസ് റിപ്പോർട്ടിൽ പറയുന്നു. ജനിതക ഘടകങ്ങളും ഈ ശീലത്തിന് ഒരു കാരണമായേക്കാം. ഉത്കണ്ഠയോ അസ്വസ്ഥതയോ ഉണ്ടാകുമ്പോൾ അതിനെ നേരിടുന്നതിന്റെ ഭാഗമായി ഈ സ്വഭാവമുള്ള ആളുകൾ നഖങ്ങൾ കടിക്കാൻ തുടങ്ങുന്നു. നഖം കടിക്കുന്നത് സമ്മർദ്ദം, പിരിമുറുക്കം, വിരസത എന്നിവ ഒഴിവാക്കാൻ സഹായിക്കുന്നതായി കണ്ടെത്തിയിട്ടുമുണ്ട്. ഇത്തരം ആളുകൾ പരിഭ്രാന്തിയോ ഏകാന്തതയോ വിശപ്പോ തോന്നുന്ന സമയങ്ങളിലും നഖങ്ങൾ കടിക്കുന്ന ശീലം പ്രകടിപ്പിക്കും.

ഈ ശീലത്തിൽ നിന്ന് രക്ഷപ്പെടാൻ ആഗ്രഹിക്കുന്നവർക്ക് വീട്ടിൽ തന്നെ പരീക്ഷിക്കാവുന്ന നിരവധി മാർഗങ്ങളുണ്ട്. എപ്പോഴും നിങ്ങളുടെ നഖങ്ങൾ വെട്ടി വൃത്തിയാക്കി സൂക്ഷിക്കുക. ഇടക്കിടയ്ക്ക് കൈകൾ കഴുകി അണുവിമുക്തമാക്കുക. നഖങ്ങളിൽ മൗത്ത് ഗാർഡ് പുരട്ടുക. നഖങ്ങളിൽ മൂർച്ചയുള്ളതോ കയ്പുള്ളതോ ആയ എന്തെങ്കിലും ഇടുക. അല്ലെങ്കിൽ നെയിൽ പോളിഷോ കയ്പുള്ള എണ്ണയോ പുരട്ടിയാലും മതി. നഖം കടിക്കുന്നത് ആരോഗ്യത്തിന് ദോഷകരമാണെന്നും വ്യക്തി ശുചിത്വത്തെ ബാധിക്കുമെന്നുമുള്ള ബോധം എപ്പോഴും മനസ്സിൽ ഉണ്ടായിരിക്കുക.