• HOME
  • »
  • NEWS
  • »
  • life
  • »
  • Baba Vanga | 2023ലേക്കുള്ള ബാബ വംഗയുടെ പ്രവചനം സത്യമായി ഭവിക്കുമോ?

Baba Vanga | 2023ലേക്കുള്ള ബാബ വംഗയുടെ പ്രവചനം സത്യമായി ഭവിക്കുമോ?

ബാബ വംഗയുടെ പ്രവചനങ്ങൾ 85 ശതമാനം ശരിയാണെന്ന് പറയപ്പെടുന്നു

  • Share this:

    9/11 ഭീകരാക്രമണം കൃത്യമായി പ്രവചിച്ചതായി പറയപ്പെടുന്ന ബൾഗേറിയൻ പ്രവാചക ബാബ വംഗ 2023-ലെ ഞെട്ടിക്കുന്ന അഞ്ച് പ്രവചനങ്ങൾ നടത്തിയിട്ടുണ്ട്. ‘ബാൽക്കനിലെ നോസ്ട്രഡാമസ്’ എന്നറിയപ്പെടുന്ന ബാബ വംഗ, 12-ാം വയസ്സിൽ ഒരു വലിയ കൊടുങ്കാറ്റിൽ തന്റെ കാഴ്ച നഷ്ടപ്പെട്ടതിനെത്തുടർന്ന് ഭാവിയിലെ സംഭവങ്ങൾ കാണാൻ തനിക്ക് ദൈവത്തിൽ നിന്ന് വളരെ അപൂർവമായ നിയോഗം ലഭിച്ചതായി അവകാശപ്പെട്ടിരുന്നു.

    വാംഗേലിയ ഗുഷ്‌റ്റെറോവ് എന്നായിരുന്നു യഥാർത്ഥ പേര്. ബാബ വംഗ പ്രാദേശിക തലത്തിൽ ഭാവി ‘പ്രവചിക്കാൻ’ തുടങ്ങിയതും അവരുടെ കഴിവുകളെക്കുറിച്ച് വാർത്ത പരന്നു. നൂറുകണക്കിന് ആളുകൾ അവളുടെ വീടിന് പുറത്ത് ക്യൂ നിൽക്കാൻ തുടങ്ങി.

    ബ്രെക്‌സിറ്റ്, ചെർണോബിൽ ദുരന്തം, ഡയാന രാജകുമാരിയുടെ മരണം, സോവിയറ്റ് യൂണിയൻ പിരിച്ചുവിടൽ, 2004-ലെ തായ്‌ലൻഡ് സുനാമി, ബരാക് ഒബാമയുടെ പ്രസിഡന്റ് സ്ഥാനം എന്നിവ ബാബ വംഗയുടെ ചില പ്രവചനങ്ങളിൽ ഉൾപ്പെടുന്നു.

    ബാബ വംഗയുടെ ദർശനങ്ങൾ 85 ശതമാനം ശരിയാണെന്ന് പറയപ്പെടുന്നു. 2022-ൽ ബാബ വംഗ നടത്തിയ ആറ് പ്രവചനങ്ങളിൽ രണ്ടെണ്ണം യാഥാർത്ഥ്യമായതായി വിശ്വസിക്കപ്പെടുന്നു. 1996-ൽ മരിക്കുമ്പോൾ, ലോകം അവസാനിക്കുമെന്ന് അവരാൽ പ്രവചിക്കപ്പെട്ട 5079 വരെയുള്ള പ്രവചനങ്ങൾ നടത്തിയിരുന്നു.

    Also read: മുൻ മുഖ്യമന്ത്രി ഇ കെ നായനാര്‍ എഴുതിയ കവിതയുടെ സംഗീതാവിഷ്കാരം ‘കട്ടച്ചുവപ്പ് 3’ പുറത്തിറങ്ങി

    2023ലേക്കുള്ള ബാബ വംഗയുടെ പ്രവചനങ്ങൾ നോക്കാം:

    ഭൂമിയുടെ ഭ്രമണപഥം മാറും:  ഏതെങ്കിലും വിധേനെ ഭൂമിയുടെ ഭ്രമണപഥം ‘മാറും’ എന്നതാണ് ബാബ വംഗയുടെ 2023 ലേക്കുള്ള പ്രവചനങ്ങളിലൊന്ന്. ചെറിയ മാറ്റം പോലും കാലാവസ്ഥയെ വൻതോതിൽ മാറ്റാൻ സാധ്യതയുണ്ട്.
    2023-ലെ ഈ പ്രവചനം യാഥാർത്ഥ്യമായാൽ, വിനാശകരമായ പ്രത്യാഘാതങ്ങൾ ഉണ്ടായേക്കാം.

    ഭൂമി സൂര്യനോട് അടുത്ത് നീങ്ങുകയാണെങ്കിൽ, വികിരണം വർദ്ധിക്കുകയും താപനിലയിൽ വലിയ വർദ്ധനവ് നേരിടുകയും ചെയ്യും. കൂടുതൽ ദൂരത്തേക്ക് നീങ്ങുകയാണെങ്കിൽ, ലോകം ഒരു ഹിമയുഗത്തിലേക്ക് വീഴുകയും മണിക്കൂറുകളോളം ഇരുട്ട് വർദ്ധിക്കുകയും ചെയ്യും.

    സോളാർ സുനാമി: 2023 ലെ ബാബ വംഗയുടെ രണ്ടാമത്തെ പ്രവചനം, മുമ്പൊരിക്കലും കണ്ടിട്ടില്ലാത്ത ഒരു സോളാർ കൊടുങ്കാറ്റാണെന്ന് പറയപ്പെടുന്നു. ഭൂമിയിലേക്ക് വൈദ്യുത ചാർജുകൾ, കാന്തികക്ഷേത്രങ്ങൾ, വികിരണം എന്നിവ അയയ്ക്കുന്ന സൂര്യനിൽ നിന്നുള്ള ഊർജ്ജസ്ഫോടനങ്ങളാണ് സൗര കൊടുങ്കാറ്റുകൾ. കോടിക്കണക്കിന് അണുബോംബുകളോളം ശക്തിയുള്ളവയാണ് അവ.

    ജൈവായുധങ്ങൾ: ഒരു ‘വലിയ രാജ്യം’ ആളുകളിൽ ജൈവായുധ ഗവേഷണം നടത്തുമെന്ന് ബാബ വംഗ പ്രവചിച്ചതായും അവകാശപ്പെടുന്നു. ഇത്തരം പരീക്ഷണങ്ങളുടെ ഫലമായി ലക്ഷക്കണക്കിന് ആളുകൾ മരിക്കാനിടയുണ്ടെന്ന് അവകാശപ്പെടുന്നു.

    ആണവ സ്ഫോടനം: 2023ൽ ഒരു ആണവനിലയത്തിൽ സ്‌ഫോടനം ഉണ്ടാവുമെന്ന് ബാബ വംഗ അവകാശപ്പെട്ടു. മോസ്കോയെ ‘ആണവ ബ്ലാക്ക്മെയിൽ’ എന്ന് കീവ് ആരോപിക്കുന്നതിനാൽ യുക്രെയ്നിൽ ഒരു ദുരന്തമുണ്ടാകുമോ എന്ന ഭയമുണ്ട്.

    ജനനങ്ങളുടെ അവസാനം: 2023 ലെ തന്റെ അവസാന പ്രവചനത്തിൽ, സ്വാഭാവിക ജനനങ്ങൾ അവസാനിക്കുമെന്നും, മനുഷ്യർ ലാബുകളിൽ വളരുമെന്നും ബാബ വംഗ അവകാശപ്പെട്ടതായി പറയപ്പെടുന്നു. തലമുടിയുടെ നിറവും കണ്ണിന്റെ നിറവും പോലെ മാതാപിതാക്കൾക്ക് അവരുടെ സ്വഭാവങ്ങളും രൂപവും ഇഷ്ടാനുസൃതമാക്കാൻ കഴിയുമ്പോൾ ആരാണ് ജനിക്കുകയെന്ന് നേതാക്കൾക്കും മെഡിക്കൽ വിദഗ്ധർക്കും തീരുമാനിക്കാൻ കഴിയും.

    Published by:user_57
    First published: