എം. സ്വരാജ് എംഎല്‍എയുടെ രാമായണസന്ദേശം ' അക്രമത്തോട് അരുത് എന്ന് പറയാനുള്ള മനസുണ്ടാവണം'

ഇതേ പരിപാടിയിൽ കഴിഞ്ഞ ദിവസം സുവിശേഷ പ്രാസംഗികനായ വെരി. റവ. സാം. കുടിലിങ്കലിനെ പ്രഭാഷകനായി എത്തിച്ചത് വിവാദമായിരുന്നു

News18 Malayalam | news18-malayalam
Updated: August 9, 2020, 11:13 PM IST
എം. സ്വരാജ് എംഎല്‍എയുടെ രാമായണസന്ദേശം ' അക്രമത്തോട് അരുത് എന്ന് പറയാനുള്ള മനസുണ്ടാവണം'
m swaraj fb live
  • Share this:
അക്രമത്തോട് അരുത് എന്ന് പറയാനുള്ള മനസുണ്ടാകണമെന്നതാണ് രാമായണം നൽകുന്ന വലിയ സന്ദേശമെന്ന് എം. സ്വരാജ് എംഎൽഎ. രാമായണം മനുഷ്യ മനസിൽ ഉയർത്തുന്ന ഏറ്റവും വലിയ സന്ദേശം അരുത് എന്നാണ്. ഹിംസയോട് അരുത് എന്നാണ് രാമായണം പറയുന്നത്. എല്ലാ അക്രമങ്ങൾക്കും കൊലയ്ക്കും തിന്മയ്ക്കും എതിരെ അരുതേ എന്ന് പറയുന്ന സന്ദേശമാണ് രാമായണം മുന്നോട്ടുവെക്കുന്നതെന്ന് സ്വരാജ് പറഞ്ഞു.

തൃപ്പുണത്തുറ ശ്രീ പൂർണത്രയീശ ഉപദേശക സമിതിയുടെ കർക്കിടക മാസാചരണത്തോട് അനുബന്ധിച്ചുള്ള രാമായണ പ്രഭാഷണോൽസവത്തിൽ സംസാരിക്കുകയായിരുന്നു എം. സ്വരാജ്. രാമായണത്തിന്‍റെ നാൾവഴികൾ എന്ന വിഷയത്തിലായിരുന്നു സ്വരാജിന്‍റെ പ്രഭാഷണം. ഫേസ്ബുക്ക് ലൈവിലൂടെയാണ് രാമായണ പ്രഭാഷണോൽസവം സംഘടിപ്പിച്ചിരിക്കുന്നത്.

അശ്വതി തിരുന്നാൾ ഗൌരി ലക്ഷ്മിഭായ് ഉദ്ഘാടനം ചെയ്ത പ്രഭാഷണ പരമ്പരയിൽ പ്രമുഖ വ്യകതികളാണ് പ്രഭാഷകരായി എത്തിയത്. മിസോറം മുൻ ഗവർണർ കുമ്മനം രാജശേഖരൻ, സിപിഐ മുതിർന്ന നേതാവും മുൻ സംസ്ഥാന സെക്രട്ടറിയുമായ പന്ന്യൻ രവീന്ദ്രൻ, എഴുത്തുകാരൻ പ്രൊഫ. എം.കെ സാനു, മുൻ ചീഫ് സെക്രട്ടറിയും മലയാളം സർവകലാശാല വൈസ് ചാൻസലറുമായിരുന്ന കെ. ജയകുമാർ, മുൻ ഡിജിപി അലക്സാണ്ടർ ജേക്കബ് , എഴുത്തുകാരനും സാസ്ക്കാരികപ്രവർത്തകനുമായ എം.എൻ കാരശേരി, എഴുത്തുകാരൻ കെ.ജി പൗലോസ് തുടങ്ങിയ പ്രമുഖരും പ്രഭാഷകരായി എത്തി.
You may also like:Kerala Rain| കോട്ടയത്ത് കാർ ഒഴുക്കിൽപ്പെട്ട് കാണാതായ യുവാവിന്റെ മൃതദേഹം കണ്ടെത്തി [NEWS]അമിത് ഷാ കോവിഡ് നെഗറ്റീവായെന്ന് ബിജെപി എംപി മനോജ് തിവാരി; പുതിയ പരിശോധനയൊന്നും നടന്നില്ലെന്ന് ആഭ്യന്തര മന്ത്രാലയം [NEWS] Menstrual Leave | 'ആർത്തവ അവധി'യുമായി സൊമാറ്റോ; വനിതാ ജീവനക്കാർക്ക് ഒരു വർഷം പത്ത് അവധി [NEWS]
ഇതേ പരിപാടിയിൽ കഴിഞ്ഞ ദിവസം സുവിശേഷ പ്രാസംഗികനായ വെരി. റവ. സാം. കുടിലിങ്കലിനെ പ്രഭാഷകനായി എത്തിച്ചത് വിവാദമായിരുന്നു. വിശ്വാസികളുടെ എതിർപ്പിനെ തുടർന്ന് ഇദ്ദേഹത്തിന്‍റെ പ്രഭാഷണം ഒഴിവാക്കുകയായിരുന്നു.
Published by: Anuraj GR
First published: August 9, 2020, 11:13 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading