എം. സ്വരാജ് എംഎല്‍എയുടെ രാമായണസന്ദേശം ' അക്രമത്തോട് അരുത് എന്ന് പറയാനുള്ള മനസുണ്ടാവണം'

തൃപ്പുണത്തുറ ശ്രീ പൂർണത്രയീശ ഉപദേശക സമിതിയുടെ കർക്കിടക മാസാചരണത്തോട് അനുബന്ധിച്ചുള്ള രാമായണ പ്രഭാഷണോൽസവത്തിൽ സംസാരിക്കുകയായിരുന്നു എം. സ്വരാജ്. രാമായണത്തിന്‍റെ നാൾവഴികൾ എന്ന വിഷയത്തിലായിരുന്നു സ്വരാജിന്‍റെ പ്രഭാഷണം. ഫേസ്ബുക്ക് ലൈവിലൂടെയാണ് രാമായണ പ്രഭാഷണോൽസവം സംഘടിപ്പിച്ചിരിക്കുന്നത്.

അശ്വതി തിരുന്നാൾ ഗൌരി ലക്ഷ്മിഭായ് ഉദ്ഘാടനം ചെയ്ത പ്രഭാഷണ പരമ്പരയിൽ പ്രമുഖ വ്യകതികളാണ് പ്രഭാഷകരായി എത്തിയത്. മിസോറം മുൻ ഗവർണർ കുമ്മനം രാജശേഖരൻ, സിപിഐ മുതിർന്ന നേതാവും മുൻ സംസ്ഥാന സെക്രട്ടറിയുമായ പന്ന്യൻ രവീന്ദ്രൻ, എഴുത്തുകാരൻ പ്രൊഫ. എം.കെ സാനു, മുൻ ചീഫ് സെക്രട്ടറിയും മലയാളം സർവകലാശാല വൈസ് ചാൻസലറുമായിരുന്ന കെ. ജയകുമാർ, മുൻ ഡിജിപി അലക്സാണ്ടർ ജേക്കബ് , എഴുത്തുകാരനും സാസ്ക്കാരികപ്രവർത്തകനുമായ എം.എൻ കാരശേരി, എഴുത്തുകാരൻ കെ.ജി പൗലോസ് തുടങ്ങിയ പ്രമുഖരും പ്രഭാഷകരായി എത്തി.